The Definitive Guide to Living in the Capital , Cairo , Egypt

أفلام
The Good Dinosaur

The Good Dinosaur: عمل نبيل واحد يفرق!

  • جاك ماجوجيفري رايت...
  • عائلي
  • بيتر شونبيتر شون
  • في1 Cinema
تم التقييم بواسطة
Mohamed Hamdy
قيم
قيم الآن
The Good Dinosaur: عمل نبيل واحد يفرق!

من أجمل الحاجات اللى بـ يطرحها الفيلم، هى قدرته على طرح سؤال أو استنتاج معين، والسير على خطى الاستنتاج أو الاحتمال ده للنهاية، الأسلوب ده مش جديد على الفن بشكل عام والسينما بشكل خاص، بـ نشوف أفلام كثير بـ تبدأ باحتمال زي: "ماذا لو انتصر الألمان فى الحرب العالمية الثانية") على سبيل المثال)، ويبدأ الفيلم أو العمل فى الاستمرار من عند النقطة دي ويشوف إيه اللى هـ يحصل.. يمكن أقرب مثال على الموضوع ده فيلمInglorious Bustards  واللى بـ يطرح احتمال قتل هتلر فى أحد العمليات الخاصة قبل نهاية الحرب العالمية.

نرجع للفيلم بتاعنا اللى من إخراج بيتر سون وبطولة جودي جرير ونيل باتريك هاريس وبيل هادير وجون ليثجو بـ نشوف قصة عن كوكب الأرض فى حالة عدم اصطدام النيزك اللى قضى على الديناصورات كلها.. يا ترى العالم كان هـ يبقى شكله إزاي لو كان النيزك اللى أدى لانقراض الديناصورات مر مرور الكرام بجوار الأرض؟! الفيلم بـ يعرض إزاي تطورت الديناصورات وبدأت فى الزراعة وتربية الثيران، بـ ننتقل بعد كده لصداقة غريبة بـ تنشأ بين إنسان وبين ديناصور من فصيلة أباتسورس والمغامرات المذهلة اللى بـ يخوضها الثنائي على مدار أحداث الفيلم.

بما أننا بـ نتكلم عن بيكسار لازم نقول أن المستوى التقني اللى ظهر به الفيلم كان أروع من الخيال، بداية من الرسومات الدقيقة واللى بـ يتم مراعاة أفضل عناصر الجودة فيها والاهتمام بأدق التفاصيل، ونهاية بالتحريك الانسيابي للشخصيات واللى تم على أعلى مستوى.. وده المتوقع من إنتاجات بيكسار بشكل عام.

نقطة ضعف الفيلم بـ تكمن فى بعض الملل اللى تسرب لنفسنا خصوصًا فى منتصف الأحداث، وإحساسنا أن مافيش نقاط قوية فى السيناريو بـ يعتمد عليها الفيلم للوصول لهدفه النهائي.

على الرغم من ضعف السيناريو إلا أن الموسيقى التصويرية كانت قوية ومتميزة، حالمة ومحلقة فى الخيال فى بعض المشاهد.. وسريعة جدًا فى مشاهد ثانية، لكن فى كل الأحوال الموسيقى كانت متناسبة بشدة مع أحداث الفيلم.

The Good Dinosaur من نوعية الأفلام اللى الكلام عنها قليل.. لكن مشاهدتها فى السينما هـ تكون تجربة كويسة للأطفال وبعض الكبار اللى عاوزين يفصلوا دماغهم من أي حاجة ثانية لمدة حوالى ساعتين.

عجبك ؟ جرب

Finding Nemo.

نصيحة 360

كان من المفترض طرح العمل فى عام 2014 من إخراج بوب بيترسون، ولكنه اعتذر عن إخراجه بسبب مشاكل متعددة، فتم تأخير موعد عرض الفيلم إلى 2015 وتم استبدال المخرج.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح