The Definitive Guide to Living in the Capital , Cairo , Egypt

The Iceman

The Iceman: لعشاق أفلام الجريمة

  • جيمس فرانكوراي ليوتا...
  • حركة ومغامراتدراما
  • أريل فرومينأريل فرومين
  • في1 Cinema
تم التقييم بواسطة
Mohamed Hamdy
قيم
قيم الآن
The Iceman: لعشاق أفلام الجريمة

الأفلام المقتبسة عن قصة حقيقية بـ يكون لها عندنا وقع أفضل، وطوال الوقت بـ نعرف أن القصص الحقيقية ممكن تكون أغرب أو حتى أكثر رعبًا من القصص المؤلفة، وده يعرفنا أن الواقع ممكن يكون بالفعل أغرب من الخيال.

على مدى حوالى ساعتين بـ نشوف مايكل شانون فى دور المجرم ريتشارد اللى بدأ حياته كصانع للأفلام الإباحية، ثم اتجه لعالم الجريمة المنظمة، واشتهر ببرود أعصابه الشديد وقدرته على تنفيذ أغرب وأبشع الجرائم بدم بارد استحق عليه اسم الفيلم “رجل الثلج”أو بالمعنى الدارج: “الرجل البارد”.

المخرج والمؤلف أريل فرومين قدر أنه يوصل لنا عالم الجريمة والشوارع المليئة بالعنف والدم لدرجة كبيرة، لكن بعض التفاصيل كانت محتاجة تكون أوضح وأقوى، لكن الأداء العبقرى لمايكل شانون فى دور البطولة المطلقة وقدرته على التغطية و”سرقة الكاميرا” من باقى الأبطال بـ تخلى المشاهد يتغاضى عن كثير من الأمور اللى ممكن تشكل عامل سلبى على سير الفيلم.

الموسيقى التصويرية والديكور على الرغم من الدور الكبير اللى لعبوه فى الأحداث، إلا أننا كنا نتوقع ما هو أفضل وأقوى، وفى بعض المشاهد حسينا أن الموسيقى مش متماشية مع روح الفيلم بشكل كامل، إلا أن بعض المشاهد الأخرى تميزت فيها الموسيقى بإحساس عالى وتناغم مع الحدث.

لو كنت –زينا– بـ تحب أفلام الجريمة المبنية علىأحداث حقيقية وشخصيات عاشت فى الماضى، نرشح لك The Iceman بقوة للمشاهدة، خصوصًا مع الخيط الاجتماعي الأنيق اللى بـ يربط العلاقات بين الأفراد خلال أحداث الفيلم، أما لو بـ تميل أكثر للنمط الرومانسى الهادىء ننصحك تشوف فيلم ثانى.

عجبك ؟ جرب

Domino 2005.

نصيحة 360

الفيلم مقتبس عن قصة حقيقية، وتكلف إنتاجه حوالى 10 مليون دولار أمريكي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح