The Definitive Guide to Living in the Capital , Cairo , Egypt

The Judge

The Judge: من أفضل أفلام السنة

  • بيللي بوب ثورنتونروبرت داوني جونيور...
  • دراما
  • ديفيد دوبكينديفيد دوبكين
  • في1 Cinema
تم التقييم بواسطة
Mohamed Hamdy
قيم
قيم الآن
The Judge: من أفضل أفلام السنة

مع خروجنا من فيلم The Judge بدأنا نلتفت حولنا، ونعيد إدراك حدود الزمان والمكان، الفيلم قدر يخطفنا من كل شىء على مدار حوالى 140 دقيقة، من خلال دراما مكثفة اشتبكت فيها الدموع مع الضحكات فى أوقات كثيرة، ولاحظنا نفس الأثر على باقى الجمهور اللى كانوا معانا فى صالة العرض، بالتالى نقدر نقول بضمير مستريح أن The Judge واحد من أحسن أفلام الموسم، وبـ نتوقع أنه يكون على قائمة الأوسكار قريبًا.

من تأليف بيل دوبوكيو ونيك شينك وإخراج ديفيد دوبكن بـ نشوف قصة إنسانية متشابكة، عن هانك (روبرت داونى) محامي شهير ومتمكن جدًا فى عالم المحاماة بـ يضطر يعود لمسقط رأسه فى أحدى المدن الصغيرة فى الولايات المتحدة، بعد وفاة والدته واضطراره حضور مراسم الجنازة على الرغم من سوء علاقاته الأسرية بعائلته.

مع عودة (هانك) لمدينته الأصلية بـ تبدأ مجموعة من المشاكل فى الظهور، أهمها على الإطلاق علاقته المضطربة بوالده القاضي جوزيف بالمر (روبرت دوفال)، واللى بـ يثبت لنا بداية من المشهد الأول أنه على الرغم من تميزه فى عمله كقاضي، والعدالة اللى بـ يطبقها بنفسه من خلال معرفته القوية بأحوال أهل مدينته، إلا أنه كان أب شديد وعصبي، وسايب عند بالمر الابن إحساس بعدم الاهتمام أو الحب.

بـ نبدأ نتعرف بشكل مكثف على باقى العائلة المفككة، الأخ جلين (فينسنت دونوفريو) واللى بـ يعاني من إعاقة فى يده، منعته من دخول عالم الاحتراف فى رياضة البيسبول، والأخ الثاني ديل اللى بـ يعاني من إعاقة عقلية خفيفة بـ تخليه يحس بالأمان لما يشوف الدنيا من خلال كاميرا متوسطة الحجم مش بـ تفارق أيده.

التفاصيل الصغيرة لكل شخصية، والعلاقات المتشابكة بين الجميع من أهم المميزات اللى حسيناها فى الفيلم، كل مشهد كان بـ يكشف لنا أحداث جديدة وتفاصيل أكثر لكل شخصية، تفاصيل كُتبت ونُفذت على الشاشة بحرفية متميزة وبأداء صعب أنه يتكرر من كل المشاركين فى العمل.

المحامي النابغة بـ يجد نفسه فى مأزق ضخم، بـ يتورط والده القاضى فى جريمة قتل مكتملة الأركان، ومع تطابق دم الضحية على الدم الموجود فى مقدمة سيارة القاضى بـ يبدأ فصل جديد من الفيلم مش عاوزين نحرقه عليكم، لكن بـ يحمل داخله كل الأحداث الأساسية وكل المعلومات الإضافية عن أبطال الفيلم.

من أفضل الأمور اللى عجبتنا فى الفيلم التلاعب اللى مارسه المخرج معانا باقتدار، سواء التلاعب بمشاعرنا تجاه الأب اللى كرهناه فى بداية الأحداث وتعاطفنا معاه فى منتصف الفيلم ثم حبيناه فى أحداث النهاية، أو حتى شخصية المحامي هانك اللى بـ يعطينا إيحاء بالعملية والقسوة فى البداية ثم بـ تبدأ شخصيته فى التغير مع استمرار أحداث الفيلم، أو حتى التحول اللحظي بين منتهى الدراما ومنتهى الكوميديا فى مشاهد متتابعة جعلتنا نشعر بالرغبة فى البكاء والضحك فى نفس الوقت!

The Judge من أفضل أفلام الموسم، ومن أفضل أفلام السنة، وبـ نتوقع أنه يحجز مكان فى ترشيحات الأوسكار، وبـ نتمنى أنه يحصل بالفعل على أوسكار يتوج مجهود كل العاملين فيه.

عجبك ؟ جرب

Gone Girl.

نصيحة 360

رُشح كل من جاك نيكلسون وتومي لي جونز للدور الذي حاز عليه روبرت دوفال في النهاية، بـ نعتقد أن نيكلسون كان هـ يكون مناسب جدًا للدور لكن أداء دوفال فى النهاية كان أكثر من رائع.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح