The Definitive Guide to Living in the Capital , Cairo , Egypt

كان بقى لنا فترة طويلة ماشوفناش أفلام مقتبسة عن قصص حقيقية، خاصة الأفلام اللي بتحكي عن استكشاف الأماكن الجديدة والمناطق الغير مأهولة بسكان معروفين. لكن فيلم The lost city of Z بيحكي عن القصتين مع بعض من خلال قصة مقتبسة عن أحداث حقيقية، وفى نفس الوقت عن الاستكشاف والمستكشفين.

القصة

الفيلم بيحكي عن قصة الرحالة والمستكشف بريان فاوست، واللي بيخوض رحلة ومغامرة لا تنتهي لاستتكشاف مدينة غامضة في منطقة الأمازون. المغامرة اللي بتدور في العشرينيات من القرن الماضي، بتنتهي باختفاء غامض للمستكشف، واللي بتخوض زوجته المخلصة محاولة قوية لإعادته والعثور عليه من جديد.

فريق العمل

الفيلم من بطولة سيينا ميلر وروبرت باتنسون ودانيال هوتليستون مع أنجوس ماكفادين، أما التأليف والإخراج فكان لجيمس جراي واللي شاركه في التأليف ديفيد جران.

السيناريو والحوار والإخراج

سيناريو الفيلم كان قوي ومتماسك، لكن بنعيب عليه إنه بيترك أحيانًا الملل يتسرب لنفوس المشاهدين، خاصة في النصف الأول من الأحداث، بينما بيترك الإثارة للنصف الثاني من الأحداث، وعلى كل الأحوال نقدر نقول أن الفيلم بينتمي للناحية الدرامية أكتر من انتماؤه للجزء المغامراتي في الأحداث.

أما الحوار في الفيلم فكان بيميل أكتر للجمل الكلاسيكية، وده كان شيء مميز بالنسبة لفيلم بيحكي عن فترة 1920، والإخراج عرف يضع كل العناصر دي مع بعضها علشان يقدم في النهاية مزيج متميز وتاريخي وممتع في نفس الوقت. فقط لو تغاضينا عن بداية الفيلم المملة بعض الشيء.

الديكورات والموسيقى التصويرية

من الجميل في الفيلم تناسق كل عناصره علشان تقدم في النهاية صورة تنقلنا في الزمن للماضي السحيق من خلال قصة الفيلم. كمان الديكورات ومشاهد التصوير والكادرات كانت مميزة، وقدرت تستفيد من مناطق الغابات علشان تقدم مشاهد وكادرات جميلة.

لكن الموسيقى التصويرية على الرغم من قوتها كانت محتاجة تكون أقوى وأكثر تأثيرًا. وكانت محتاجه تكون أكتر تناسبًا مع الزمن اللي بتدور فيه الأحداث.

الخلاصة

مش معنى إننا مشتاقين لفيلم مقتبس عن قصة حقيقية، أننا نتناسى بعض الملل اللي حسينا به أثناء أحداث فيلم The Lost City of Z.

علشان تبقى عارف:

النجم (براد بيت) كان من المرشحين لأداء دور (بيرسي فاوست).