The Definitive Guide to Living in the Capital , Cairo , Egypt

The Muppets – الدمى المتحركة

The Muppets: عرائس المابيت شو يتألقون من جديد

  • ايمي ادامزجيسون سيجيل...
  • إستعراضيعائلي...
  • جيمس بوبينجيمس بوبين
  • في1 Cinema
تم التقييم بواسطة
Mohamad Adel
قيم
قيم الآن
The Muppets: عرائس المابيت شو يتألقون من جديد

فكرة أن الواحد يرجع
يشوف ثاني العرائس المحببين له وهو طفل زي الضفدع “كرميت” و”آنسة
بيجي” والطائر “جونزو” وغيرهم فكرة أكيد تشد، والحقيقة أن الفيلم
نفسه فاق التوقعات.

كلنا مش قادرين ننسى البرنامج
الكوميدي الشهيرThe Muppet Show  واللي قائم على ظهور فرقة استعراضية من العرائس –أغلبها
من الحيوانات- تقدم كل يوم عرض ترفيهي،
وكمان بـ نتعرف على عالم الـ
back-stage الخاص بها، يعني علاقات العرائس ببعضها وبنجوم الحلقات، ده طبعًا
بـ يعطي بُعد إنساني للشخصيات دي، وكلنا ما نقدرش ننسى علاقة الحب بين الضفدع “كرميت”
والخنزيرة “آنسة بيجي” وهي علاقة في عالم الواقع مستحيلة!

ومع أن البرنامج ده للأسف اختفى من 12 سنة كاملة، لكنه بـ
يرجع ثاني من خلال شركة “ديزني” وفي إعلان طويل –مدته دقيقتين ونصف– علشان
تنوه إلى عودة العرائس دي، أغلب الظن هو أن الشركة بـ تلعب على ناحية “النوستالجيا”
أو الحنين للماضي.

الحقيقة مش بس كده، لكن القصة البسيطة –كالعادة– اللي
تناولها الفيلم بـ تخلينا نفكر كثير قوي في أفكار عدم التمييز وتقبل الآخر والبعد
عن العنصرية، يمكن العرائس نفسها بـ تثبت ده لأنها كلها مختلفة عن بعضها في الأشكال
والطباع وغيرها، لكن ده بـ يعدي الحدود لما نتعرف أكثر على علاقة البشري
“جاري” بأخوه “والتر” واللي هو واحد من العرائس!

“والتر” يحس أنه مختلف، لكن “جاري”
يحاول بكل الطرق ما يحسسوش بالشعور ده عن طريق مساعدته في كل شيء لدرجة أن ده يأثر
على علاقة “جاري” بحبيبته “ماري”، لكن كلهم ينسوا ده لما
“والتر” يعرف أن مسرح العرائس الشهير هـ يُباع لرجل أعمال كبير
“تيكس ريتشمان” واللي ناوي يهده علشان عرف أنه تحت بترول.

هنا يحاول “والتر” يجمع العرائس من ثاني بمساعدة
الضفدع الشهير “كرميت”، خاصة لما يظهر أن فيه أمل لعودة مسرح العرائس لو
جمعوا 10 ملايين دولار قبل مدة محددة، وبالقياس على عالم البشر هـ نلاقي برضه
عرائس علاقتها متوترة زي “كرميت” و”بيجي”، وعرائس تتواطئ مع
الرجل الشرير، وعرائس خائفة من اكتشاف نفسها زي “والتر”.

كل ده بـ يتجسد بشكل استعراضي بسيط جدًا، بـ يقدم
الأغنية في إطار درامي، طبعًا مع تميز فريق عمل المؤثرات الخاصة في تقديم الأفضل،
فكل ده يخلي المشاهد على استعداد يشوف الفيلم ثاني.

كمان دعم الفيلم ظهور
الكثير من النجوم الأمريكيين زي جاك بلاك –كشخصية أساسية– وظهور خاص لباقي النجوم
زي ووبي جولدبرج ونيل باتريك هاريس، فده طبعًا دعم أكثر الفيلم، وإن كانت العرائس
لوحدها كفيلة باستقطاب الجمهور زي ما هي كفيلة برضه بتقديم الأداء والاستعراضات
والغناء وكل شيء يخطر على بالنا.

عجبك ؟ جرب

فيلم The Muppet Christmas Carol واللي ظهر عام 1992 ومدته 85 دقيقة وبطولة العرائس اللي بـ نحبهم.

نصيحة 360

"جيم هينسون" واللي اقترن اسمه ببرنامج "شارع سمسم" الأمريكي المشهور، خاف بعدها أنه يحول البرنامج ده لكاتب عروض عرائس للأطفال فقط، علشان كده فكر في عرض ممكن يكون ممتع للكبار كمان، وللسبب ده ظهر The Muppet Show للنور في عام 1976 يعني بعد سبع سنوات من ظهور "شارع سمسم"، كمان قام بدور واحد من العرائس العجوزة "ستاتلر" و"فالدورف" اللي قاعدين في المسرح يتفرجوا ويسخروا من عروض زملائهم العرائس.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح