The Definitive Guide to Living in the Capital , Cairo , Egypt

أفلام
The Nice Guys

The Nice Guys: السبعينيات وما أدراك ما السبعينيات

  • مات بومر
  • حركة ومغامراتكوميدي
  • شين بلاكشين بلاك
  • في1 Cinema
تم التقييم بواسطة
Mohamed Hamdy
قيم
قيم الآن
The Nice Guys: السبعينيات وما أدراك ما السبعينيات

السبعينيات وما أدراك ما السبعينيات، زمن القمصان المشجرة والهيبيز والمخدرات والسيارات العريضة، هو ده الزمن اللي بتدور فيه أحداث فيلمنا، لكن استفادة صناع الفيلم بفترة السبعينات كانت محدودة، والتركيز الأكبر كان على الكوميديا، للأسف الكوميديا هي كمان كان فيها مشاكل كتير، تعالوا نشوف!

فيلم The Nice Guys من تأليف وإخراج شين بلاك، وبطولة راسل كرو وكيم باسنجر وريان جوسلنج، بنشوف قصة سيدة عجوز بتستعين بخبرات محقق خاص، علشان هى واثقه أن بنتها اللي انتحرت مؤخرًا ما انتحرتش ولا حاجة! وأنها حية ترزق في مكان ما، مطلوب على المحقق الخاص أنه يكتشف المكان ده ويستعيد البنت، لكن بعض العقبات البسيطة بتقف في طريقه، الحقيقة هي مش عقبات بسيطة، البنت كانت ممثلة أفلام بورن ولها علاقات متعددة مع ناس من مناطق مختلفة، بالإضافة لوجود محقق تاني في القضية بيتنافس مع بطلنا واللي المفروض المنافسة بينهم بتولد سلسلة مش بتنتهي من الكوميديا.

في الحقيقة الكوميديا في الفيلم كانت قليلة، صحيح هي كانت معتمدة على المواقف أكتر من اعتمادها على الإيفيهات، لكن حسينا بملل شديد خاصة في النصف الأول من الفيلم، وحسينا أن جرعة الكوميديا المفروض تكون أقوي وأكثر بكثير من اللي شوفناه في النهاية على الشاشة.

التصنيف الرقابي للفيلم فى الولايات المتحدة هو R وده معناه أن الفيلم بيحتوي علي مشاهد عنف وجنس واستخدام للمخدرات، وطبعًا الرقابة المصرية قامت بدورها وحذفت مشاهد الجنس فقط، لكن الحذف كان واضح في عدم تتابع المشاهد وده ضايق كتير من المُشاهدين فى القاعة، وأثار ضحكهم وتعليقاتهم في بعض الأحيان. قاعة العرض كانت ممتلئة لانتظار المشاهدين جديد (راسل كرو) واحتياج المشاهدين لجرعة كوميدية كان المفروض تكون قوية.

الموسيقي التصويرية كانت كويسة ومنسجمة مع الفترة الزمنية اللي بتدور فيها الأحداث والفيلم كله كان منتمي للسبعينيات الجميلة الطائشة، بداية من تصميم الملابس والديكورات اللي ماسابتش تفصيلة صغيرة إلا وأظهرتها، ونهاية بالموسيقى التصويرية، ودي نقط تحسب للفيلم والقائمين عليه.

ماتتوقعوش كوميديا كتير من The Nice Guys لكن محبي السبعينيات والمشاهدين الأكبر سنًا هيخرجوا مبسوطين من الفيلم.

عجبك ؟ جرب

  Wild Hogs

نصيحة 360

الفيلم يعتبر التعاون الثاني بين (راسل كرو) و(كيم باسنجر) منذ عام 1997.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح