The Definitive Guide to Living in the Capital , Cairo , Egypt

The November Man

The November Man: فيلم أكشن بنكهة جاسوسية!

  • أولجا كوريلنكوبيرس بروسنان...
  • إثارةغموض وتشويق
  • روجر دونالدسونروجر دونالدسون
  • في1 Cinema
تم التقييم بواسطة
Mohamed Hamdy
قيم
قيم الآن
The November Man: فيلم أكشن بنكهة جاسوسية!

يبدو أن بيرس بروسنان ما نسيش أنه قدم شخصية جيمس بوند فى واحدة من أكثر لحظات الشخصية الاستخباراتية البريطانية تألقًا واهتمامًا من المنتجين والمخرجين، وواضح أن هم كمان ما نسيوش المعلومة دى، واستعانوا به فى بطولة  The November Man اللى بـ يحمل من الصبغة الاستخباراتية الكثير والكثير.

من إخراج روجر دونالدسون، بـ نشوف بيرس بروسنان فى شخصية عميل سابق للـ CIA، بـ يتورط فى عملية حالية للمخابرات الأمريكية لفضح مرشح محتمل وقوي للرئاسة الروسية، الأمر اللى بـ يخلق حالة من التنافس بين بروسنان وواحد من أقدم تلاميذه وأقدرهم على التعلم منه (لوك بريسي).

على الرغم من اسم الفيلم اللى حسينا أنه مقحم على الأحداث، واضطر المؤلف أنه يحشره حشر فى جملة حوارية فى الربع الأخير من الفيلم، وعلى الرغم من بوستر الفيلم اللى حسينا أنه كان ممكن يكون أفضل، إلا أن الأحداث نفسها بـ تأخذنا لمنطقة بـ نحب ندخلها، منطقة أفلام الأكشن والجاسوسية والمؤامرات الخفية اللى بـ تحصل فى الفنادق بعيدًا عن أعين العامة والصحفيين!

الفيلم بـ يتعرض فى أحداثه لمرحلة الحرب على الشيشان، والدوافع والعوامل اللى أدت للحرب، منطقة ممكن تكون بعيدة عن معلومات المتابعين فى المنطقة العربية بشكل عام ومصر بشكل خاص، لكن الفيلم بـ يقدم خلفية للأحداث قد تكون غير كافية فى بعض الأحيان، لكن حتى المشاهد اللى عنده قدر ضئيل من المعلومات عن الصراع الروسي الشيشانى هـ يقدر يتابع أحداث الفيلم بأريحية.

البطولة النسائية فى الفيلم كانت من نصيب الأوكرانية أولجا كوريلينكو اللى قامت بدور أليس فورنييه وقدرت تقدمه بشكل متميز ويحسب لها، وشاركها فى بعض المشاهد القليلة عددًا لكن المؤثرة بشكل كبير البوسنية الجميلة إميليا ترزيميك واللى قدرت تقوم بدور فى منتهى الجدية والغموض ساعده عليها ملامحها الجامدة، وصدق حدسنا من مشاهد الأكشن اللى نفذتها خلال أحداث الفيلم، وعرفنا أنها كانت بطلة البوسنة فى الجمباز، الأمر اللى ساعدها على مشاهد الأكشن اللى أدتها بأفضل ما يكون رغم مساحة دورها الصغيرة نسبيًا.

ما حسيناش بأى تواجد للموسيقى التصويرية خلال أحداث الفيلم، لكن الموسيقى المصاحبة للنهاية كانت جديرة بالاهتمام والمتابعة، واكتشفنا أن كثير من الجمهور انتظر لنهاية عرض الفيلم بعد إضاءة القاعة بس علشان يسمع الموسيقى النهائية للفيلم.

لو كنت من محبى أفلام الجاسوسية والأكشن،The November Man  هـ يعجبك جدًا، لكن لو كنت بـ تدور على فيلم أكشن سريع ومفهوم من المشهد الأول للنهاية بدون “تشغيل مخ” كثير ننصحك تشوف فيلم ثاني زى The Expendables 3 على سبيل المثال.

عجبك ؟ جرب

أى فيلم من سلسلة أفلام جيمس بوند.

نصيحة 360

الفيلم مأخوذ من رواية "لا يوجد جواسيس" ونشرت فى 1987.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح