-
آدم بروديجيري فيرارا...
-
رومانسيكوميدي
-
تيم ستوريتيم ستوري
-
في1 Cinema
Mohamed Hamdy
العالم الفنى فى الولايات المتحدة رغم اتساعه، إلا أنه يظل صغير جدًا، وكل قطاع بـ يقوم بخدمة القطاع الآخر باستمرار، بمعنى أن الروايات والكتب اللى بـ تحقق مبيعات متميزة، بـ يتم تحويلها لأفلام، والأفلام لما بـ تنجح بـ يتم تحويلها لألعاب فيديو، وكذلك بـ تظل كل القطاعات الفنية تشتغل لخدمة بعضها البعض، وده أمر متميز وملحوظ.
الجزء الأول من السلسلة كان بـ يحمل اسم Think like a man وكان مقتبس من كتاب حقق مبيعات أكثر من رائعة للمؤلف ستيف هارفى بنفس العنوان، الكتاب اللى قدر يجذب عدد كبير من القراء، لما تحول لفيلم قدر يجمع نسبة مشاهدة متميزة، شجعت المخرج تيم ستورى على تقديم الجزء الثانى من نفس السلسلة.
الفيلم اللى بـ يقوم ببطولته كيفن هارت روماني مالكو جانينا جافانكار وسالييل هاريس بـ تدور أحداثه فى لاس فيجاس حيث يتجمع الأبطال من جديد فى ظل أحداث كوميدية جديدة بـ تأخذنا من البداية للنهاية، تمامًا زى الجزء الأول، مع تغيير بسيط فى الحبكة والأحداث لتوليد أحداث كوميدية جديدة.
من الصعب التطرق للموسيقى التصويرية والديكور فيما يتعلق بفيلم كوميدي عارف هدفه كويس، وهو إثارة أكبر قدر من الضحك اللى ممكن يوصل فى بعض المشاهد إلى الصراخ، لكن نقدر نقول أن الديكورات كانت نمطية ومكررة، وخصوصًا ديكورات لاس فيجاس اللى تنوعت بين استعراض الملاهي وصالات القمار أو حمامات السباحة، وهى كلها من العلامات المميزة للاس فيجاس سواء فى فيلمنا النهارده أو فى أى فيلم آخر.
على غرار الديكورات كانت الموسيقى التصويرية، ضعيفة ومش فى المستوى اللى كنا نتوقعه، لكن زى ما قولنا ممكن نغفر أى جزء من العوامل دى فى سبيل أن جرعة الكوميديا تكون مضبوطة، وده اللى حصل فى فيلم اليوم بالضبط، الكوميديا كانت طاغية على الأحداث بشكل يخلينا ننسى أى شىء آخر.
Think like a Man too فيلم كوميدي لطيف ممكن نختتم به موسم سينمائى حافل هـ يتوقف فى شهر رمضان لانشغالنا بالدراما الرمضانية والكنافة والقطايف… ولنا عودة مع موسم جديد يبدأ مع عيد الفطر إن شاء الله.