The Definitive Guide to Living in the Capital , Cairo , Egypt

أفلام
Titanic – تايتانيك

Titanic 3D: الرومانسية تحتضر

  • كيت وينسلتليوناردو دي كابريو
  • إثارةثلاثي الأبعاد...
  • جيمس كاميرونجيمس كاميرون
  • في1 Cinema
تم التقييم بواسطة
Mohamad Adel
قيم
قيم الآن
Titanic 3D: الرومانسية تحتضر

لما نشوف فيلم Titanic
بنسخة الـ 3D دلوقتي، أكيد بـ نتذكر النسخة الأصلية اللي شوفناها عام 1997، لكن رؤيتنا لنفس الفيلم بـ يطرح –في رأينا- تساؤل أهم .

هي الرومانسية انتهيت من حياتنا؟ الإجابة ما بين “نعم”
و”لا”، وإن كنا بـ نشوف أن الإجابة بـ “نعم” بـ تطرح نفسها
بقوة أكبر، خاصة وأن نسخة الـ 3D ظهرت للوجود، بدون أي اهتمام إعلامي عندنا، غير طبعًا
البرامج الفنية، وبدون حتى اهتمام عالمي، اللهم من بعض أخبار عن عودة Titanic بشكل مختلف.

ده شئ طبيعي وسط التطورات اللي بـ تحصل في مصر أول بأول، والتطورات
العالمية، والأخبار اللي بـ نشوفها سواء محلية أو عالمية، واللي كلها بـ تنذر بفوضى
شاملة أو حرب عالمية ثالثة خاصة مع وجود حروب أهلية بين البشر وبين التوجهات
السياسية المختلفة، وبالتالي إحنا هنا بـ نقع في فخ بين الكتابة النقدية عن
“فيلم رومانسي” نقدر نعتبره أيقونة بكل معنى الكلمة، أو نكتب عن شيء بعيد
كل البعد عن اهتمامات الناس دلوقتي.

لكن يفضل ظهور فيلم بالشكل ده وسط كل دعاوي الدمار والحروب والعنف وغيرها دعوة يتيمة لإحياء الرومانسية مرة ثانية في حياتنا، أو تفكرنا بأصلنا الإنساني
والأساس اللي خُلقنا به وهو “الحب”، حتى وإن كان العالم كله بـ ينذر
بوجود شيء غامض، شرير هـ يحصل. لكن تفضل الدعوة اليتيمة دي أحسن من مافيش.

عجبك ؟ جرب

Titanic النسخة الأولى - Avatar

نصيحة 360

يعتبر Titanic هو أكثر الأفلام فوزًا بجوائز الـ Oscar لأنه قدر يأخذ 11 جائزة من أصل 14 ترشيح، وده قدر يعمله فيلم «بن حور» عام 1959 واللي فاز بـ 11 جائزة من أصل 12 ترشيح، وكمان عمله فيلم «سيد الخواتم» أو عودة الملك The Lord Of The Rings : The Return Of The King واللي فاز بـ 11 جائزة من أصل 11 ترشيح وده في عام 2003.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح