The Definitive Guide to Living in the Capital , Cairo , Egypt

Tracers

Tracers: فيلم عن الحب ورياضة الباركور

  • آدم راينرتايلور لوتنر...
  • إثارةحركة ومغامرات
  • دانيل بنمايوردانيل بنمايور
  • في1 Cinema
تم التقييم بواسطة
Mohamed Hamdy
قيم
قيم الآن
Tracers: فيلم عن الحب ورياضة الباركور

رياضة الباركور واحدة من الرياضات الحديثة اللى أصبحنا بـ نشوف لها فيديوهات كثير على اليوتيوب، بالإضافة إلى اهتمام قطاعات كبيرة من الشباب بممارستها وإن كانت نسبتهم فى الدول العربية والولايات المتحدة أكبر من المنطقة العربية فيما يتعلق بعدد ممارسي الرياضة، أما محبى حركات الباركور المفعمة بالحيوية والنشاط نقدر نقول أنهم مئات الآلاف.

المخرج الساعي إلى الكمال دانيل بنمايور فى أحدث أعماله بـ يحاول يقتحم عالم رياضة الباركور المثيرة من خلال مغامرة تيلور لوتنر اللى بـ يعاني من الإفلاس، وبـ يحاول يسدد ديونه بأي شكل لمجموعة من البلطجية المحترفين فى فرض الإتاوات والقروض بالفوائد المرتفعة، الأمر اللى بـ يخليه يتعرف على مجموعة من ممارسى الباركور برعاية شاب بـ يعتبر قائد لهم، ومع الوقت بـ يكتشف أن لهم علاقة بالعديد من العمليات الإجرامية، الأمر اللى بـ يعقد الأحداث وبـ يأخذها لمستوى أعلى.

بما أننا بـ نتكلم عن فيلم بـ يحكي عن رياضة قائمة على السرعة والحركة المفاجئة يبقى لازم نتكلم عن 3 أمور مهمة: الأولى هى أسلوب الإخراج اللى قدر يطعم المشاهد بوجود الدوبليرز القادرين على القيام بالحركات الخطرة، وده كان من الأمور الناجحة جدًا فى الفيلم، الأمر الثاني هو الموسيقى التصويرية اللى قدرت تدخلنا لعالم رياضة الباركور والشباب اللى بـ يقدروا ينفذوا حركات خطرة ويقفزوا من مكان لآخر بسهولة ويسر، الموسيقى كانت من أهم العوامل اللى ساعدت على استمتاعنا بالفيلم فى واقع الأمر، الأمر الثالث هو الديكورات، واللى للأسف ما كانتش بالقوة اللى كنا متوقعينها، وكان المفروض تكون أفضل علشان تتناسب مع مستوى الفيلم العالي والمتميز.

الأداء التمثيلي للأبطال كان متوسط يميل للضعف، وبما أن التركيز الأساسى للفيلم كان على المشاهد الخطرة اللى تنوعت بين القفز من أماكن عالية إلى المشاهد المعتمدة على الاتزان ومشاهد الخروج والدخول لأماكن ضيقة وصعبة، لكن يبدو أن الاهتمام بالمشاهد دي سحب المخرج من الاهتمام بالأداء التمثيلي لأبطاله.

Tracers فيلم عارف بالضبط مين جمهوره المستهدف، وبـ يقدم لهم جرعة مناسبة من المشاهد الخطرة والحركات الصعبة، مع حبكة سينمائية ينقصها الأداء التمثيلى.

عجبك ؟ جرب

District B13.

نصيحة 360

يا ريت ما حدش يحاول يقوم بتنفيذ الحركات اللى بـ يتم عرضها فى الفيلم بنفسه أو فى البيت.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح