The Definitive Guide to Living in the Capital , Cairo , Egypt

أفلام
Unbroken

Unbroken: رحلة الصمود والإرادة

  • تاكاساما إيشيهاراجاريت هدلند...
  • حركة ومغامراتدراما
  • أنجيلينا جوليأنجيلينا جولي
  • في1 Cinema
تم التقييم بواسطة
Mohamed Hamdy
قيم
قيم الآن
Unbroken: رحلة الصمود والإرادة

فترة الحرب العالمية الثانية (1939- 1945) واحدة من أهم فترات الصراع المسلح بين معظم دول وإمبراطوريات العالم، الأمر اللى أدى لظهور العديد من قصص الدراما والأكشن، أو حتى الحب والرومانسية، الفترة دي تعتبر من أكبر مصادر الإلهام لكتاب القصص ومخرجي الأفلام، ولعل الموسم السينمائى الحالى بـ يشهد أكثر من قصة دارت خلال فترة الحرب العالمية الثانية.

من إخراج أنجلينا جولى، وتأليف إيثان وجويل كوين بـ نشوف قصة إنسانية مغامراتية عن بطل الحرب والبطل الرياضى لويس زامبيريني (جاك أوكونيل) واللى بـ ينجو من تحطم طائرة مع اثنين من طاقمها، لمدة حوالى 50 يوم بـ يشوف فيها العذاب، قبل ما يتم القبض عليه من الأسطول الياباني وترحيله لمعسكر أسرى حرب علشان يبدأ فصل جديد من مغامرة لويس اللى كانت سبب من الأسباب الرئيسية لنجاح الفيلم من وجهة نظرنا.

على الرغم من أن مخرجة الفيلم هى أنجلينا جولى، الفنانة الجميلة الشهيرة، إلا أنها قدرت تقتحم العوالم الذكورية للحرب العالمية الثانية بجرأة، ونسينا من خلال أسلوبها الإخراجي أى شىء عن شهرتها كفنانة أو عن كونها أنثى بالأساس.

أسلوب التصوير والزوايا اللى تم استخدامها أثناء تصوير الفيلم وإخراجه كانت من أهم الأمور اللى عجبتنا بخصوص الفيلم، الزوايا الصغيرة المحدودة للتعبير عن انفعالات وإحساس الأبطال، والزوايا الأوسع الهادئة للسماح للديكور المتناغم من القصة واللى قدر ينقلنا لأجواء الحرب العالمية الثانية بسهولة ويسر وبداية من المشهد الأول، كل السيمفونية دي تحسب للمخرجة أنجلينا جولى قدرتها على العزف على أوتارها من البداية للنهاية.

الموسيقى التصويرية كان لها هى الأخرى دور مهم فى الأحداث، لكن أحيانًا كان بـ ييجي لنا شعور أنها غير مهمة أو غير مؤثرة فى الأحداث، وفى رأينا أن تناغم الموسيقى ما كانش متسق مع الأحداث فى 100% من أحداث الفيلم، لكن كمستوى الفيلم بشكل عام نقدر نقول أن الموسيقى لعبت دور مهم فى الأحداث، لكن كان ممكن يكون أفضل.

أسلوب الأحداث القافزة دائمًا ناحية المغامرة، ساهم فى عدم شعورنا بالملل من بعض الأحداث، لكن لازم نقول أن فى البعض الآخر كنا بـ نشعر خلالها بالملل بـ يتسرب لنا، لكن طوال الوقت كان بـ يتم الدفع بمشاهد وأحداث جديدة لتقليل حالة الملل عندنا للحد الأقصى، والحقيقة أننا من محبى الأفلام اللى بـ تتناول فترة الحرب العالمية الثانية على الرغم من ندرتها مؤخرًا.

حاليًا إحنا بـ ننتظر أفلام ثانية بـ تتناول فترة الحرب العالمية الثانية زي فيلمThe Imitation Game اللى بـ يتكلم عن العالم العبقري "آلان تورنج" وفترة الحرب وشفرة "أنجما" اللى كانت القوات الألمانية بـ تستعملها خلال فترة الحرب، وغيرها من الأفلام اللى أكيد هـ تخلى فيلم Unbroken فى اختبار حقيقي، لكننا عندنا إحساس أنه هـ يقدر يصمد أمام المواجهة دي.

عجبك ؟ جرب

The Pianist.

نصيحة 360

الفيلم هو ثاني إخراج للنجمة أنجلينا جولى بعد فيلمIn the Land of Blood and Honey.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح