The Definitive Guide to Living in the Capital , Cairo , Egypt

أفلام
Unfriended

Unfriended: الرعب عبر شاشة سكايب

  • رينيه أولستدشيلي هنينج...
  • إثارةرعب
  • ليفان حبريادزليفان حبريادز
  • في1 Cinema
تم التقييم بواسطة
Mohamed Hamdy
قيم
قيم الآن
Unfriended: الرعب عبر شاشة سكايب

"فيلم مالوش أي 30 لازمة، وتقريبًا تكلف 10 آلاف دولار أو أقل".. ده كان تعليق واحد من مشاهدي الفيلم على أحد المواقع المهتمة بالسينما، لكن إحنا كنا مختلفين معاه بنسبة كبيرة في رأيه، ولنا أسبابنا.

من إخراج ليفان جابريادزي وتأليف نيلسون جريفز بـ نشوف قصة بنت بـ تنتحر بعد التنمر والتريقة عليها على الإنترنت والفيسبوك وباقي مواقع التواصل الاجتماعي، وفي الذكرى السنوية الأولى لانتحارها بـ يظهر شبحها على شكل مستخدم غامض لبرنامج سكايب Skype وبـ يبدأ يمارس ألاعيب صعبة على مجموعة من الأصدقاء، في سبيل الانتقام ومعرفة مين المسئول عن تحويل حياة البنت لجحيم.

الفيلم بالكامل تم تصويره على واجهة استخدام برنامج Skype المعروفة، واللى عرفنا أنه تم صنع واجهة مزيفة وعدم استعمال البرنامج الأصلي علشان يضمن القائمين على الفيلم عدم حدوث أي تقطيع في الصورة أو المشاهد وغيرها من المشكلات اللى بـ تحصل في الاتصال.

لو اللى بـ يتفرج على الفيلم مش بـ يحب أو مش بـ يفهم في الحياة الإلكترونية ومواقع التواصل الاجتماعي وبرامج الاتصال بالآخرين، يبقى من الأفضل يدور على فيلم ثاني من دلوقت لأن الفيلم بالكامل معتمد على فهم المشاهدين لحياة الإنترنت بشكل عام، حتى أن الموسيقى التصويرية للفيلم عبارة عن مقاطع موسيقية بـ يتم تشغيلها على اللابتوب اللى بـ تدور من خلاله الأحداث.

ما لاحظناش أي أخطاء فيما يتعلق بالمشاهد الملتقطة لحسابات الفيسبوك أو باقي المواقع اللى بـ تظهر في المشاهد، وده يعرفنا أن الفيلم تم تصويره حديثًا قبل تغيير شكل الواجهات، كمان عرفنا أن إمعانًا في إقناع المشاهدين بالفيلم.. الحسابات اللى بـ تظهر على موقع الفيسبوك حقيقية ويمكن الوصول لها فعلًا ودي كانت رغبة صناع الفيلم علشان يعملوا شىء مقنع وشبه الحقيقي.

أما ردنا على الناس اللى بـ تقول أن الفيلم تافه.. نحب نلفت نظرهم لظاهرة انتحار المراهقين في الولايات المتحدة وغيرها من الدول نتيجة الهجوم عليهم إلكترونيًا والتريقة عليهم وأحيانًا مطالبتهم بالانتحار علنًا، وهناك أكثر من حالة انتحرت فعلًا نتيجة التريقة الإلكترونية والتعليقات السلبية.

أما عن ميزانية الفيلم القليلة فهى دي الحقيقة فعلًا، الفيلم تم تصويره في منزل واحد بحيث يكون كل ممثل في غرفة مستقلة وبـ يؤدي دوره، وده لا يحسب على الفيلم وصناعه بل يحسب لهم قدرتهم على عمل فيلم قوي ومؤثر بميزانية قليلة.

التريقة الإلكترونية وتتبع الأشخاص على المواقع المختلفة، ممكن يكون مش مؤثر قوي في مصر، لكنه سرطان بـ يزحف على العالم الغربي، وأكيد هـ نواجهه في مصر قريب جدًا.. ساعتها هـ نحتاج نشوف فيلم زي Unfriended ثاني!

عجبك ؟ جرب

I Know What You did last Summer.

نصيحة 360

الفيلم له اسم ثاني هوOffline .

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح