The Definitive Guide to Living in the Capital , Cairo , Egypt

أفلام
Vamps

Vamps: فيلم تأدية واجب

  • أليشيا سيلفرستوندان ستيفنز...
  • رومانسيكوميدي
  • إيمي هيكرلنجإيمي هيكرلنج
  • في1 Cinema
تم التقييم بواسطة
Mohamed Hamdy
قيم
قيم الآن
Vamps: فيلم تأدية واجب
اللى بـ نحبه فى هوليوود هى أنها بـ تقدم للمشاهد اللى هو بالضبط محتاج يشوفه، بعض الأفلام بـ تقدم للمشاهد (اللى المفروض يشوفه) والفرق بين النوعيتين دول من الأفلام كبير. الفيلم ده من نوعية الأفلام اللى بـ تقدم للمشاهد اللى هو عاوز يشوفه.

الفيلم بـ يستهدف الجمهور العائلى اللى عاوز يتفرج على فيلم مع فيشار وبيبسى ويقضى أجازة سعيدة فى الويك إند ويرجع البيت فرحان، بالتالى الخيط الدرامى الخفيف للأحداث مش قوى بالدرجة الكافية، لأن الهدف من الفيلم رسم البسمة على وجوه المشاهدين.

الفيلم بـ يحكى عن بنتين مصاصات دماء بـ يعيشوا فى مدينة نيويورك، ورغم غرابة الفكرة أو إحساسنا أنها ممكن تكون فكرة مرعبة، إلا أنه تم تحويل القصة لحكاية مضحكة تستحق متابعتها من البداية للنهاية خصوصًا فى الجزء اللى بـ تقع فيه البنتين فى الحب وبـ تستمر الأحداث الكوميدية .
المخرجة إيمى هيركلينج قدرت تقدم لنا عمل خفيف فى وقت قليل، وروحها المرحة كانت واضحة فى كل تفاصيل الفيلم، و”قفشنا” نفسنا متلبسين بالبسمة على وجوهنا.
أبطال الفيلم رغم أن تمثيلهم ما كانش بالقوة اللى كنا متوقعينها إلا أنه بالنظر للمستهدف من الفيلم هـ نلاقى أنهم عملوا المطلوب منهم وزيادة كمان، وده اللى كنا متوقعينه.
موضة مصاصى الدماء فى السينما الأمريكية منتشرة فى الفترة الأخيرة، سواء كان البطل مصاص دماء أو إنسان بـ يتحول إلى مصاص دماء زى ما شوفنا فى سلسلة Twilight أو حتى رئيس الجمهورية لما بـ يتحول لقاتل لمصاصى الدماء زى ما شوفنا فى فيلمAbraham Lincoln Vampire Hunter ويا عالِم يا هوليود مين ثانى هـ يتحول لمصاص دماء.. أنتم إيه رأيكم؟

عجبك ؟ جرب

أى جزء من أجزاء سلسلة Twilight.

نصيحة 360

الفيلم تكلف حوالى 16 مليون دولار، وتم تصويره فى "ديترويت، ميتشجان".

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح