The Definitive Guide to Living in the Capital , Cairo , Egypt

أفلام الرعب أصبح لها سمعة سيئة في المجال السينمائي وبين حريفة مشاهدي الأفلام.. ماعدا بعض الأعمال المتميزة فعلًا والرائعة واللي أسست لبدايات سينما الرعب.. بعيدًا عن الأفلام دي نقدر نقول أن باقي أفلام الرعب مستهلكة وضعيفة ومتشابهة وللأسف فيلم اليوم ما يختلفش كتير عن النوعية دي من الأفلام.

فيلم Visions من إخراج كيفين جيروتارت، وبطولة جيليان جاكوبس وإيفا لونجوريا باركر، وأنسون ماونت، من خلال الأحداث بنشوف قصة امرأة حامل بتنتقل مع زوجها لسكن جديد في قرية معزولة ومتخصصة في تعتيق وتصنيع النبيذ، ومع انتقالها للقرية بتبدأ مجموعة من الأحداث الغريبة والمريبة في الحدوث، وبيبدأ ييجي لها كتير من الأحلام والكوابيس المرعبة واللي بتحول حياتها لجحيم.

الرعب في الفيلم كان معتمد بالمقام الأول على أسلوب الخض، وهو الأسلوب الأسهل في إثارة الفزع وبيكون عبارة عن مفاجأة حواس الجمهور بمشهد مفاجئ أو صوت عالي أو صراخ مفاجئ، لكن عيب الأسلوب ده أنه بيفقد تأثيره بعد كام مشهد، وبيتحول الفيلم في النهاية لمجموعة مشاهد مملة وغير مترابطة غير بخيط درامي خفيف جدًا وغير مؤثر.

الموسيقى التصويرية كانت غير مؤثرة في الأحداث وإن كانت مؤثرات الصوت قوية ومخيفة بعض الشيء، على العكس من مؤثرات الصورة والخدع الخاصة واللي كان مستواها ضعيف جدًا وكان واضح استسهال الإخراج وعدم قدرته على الإمساك بزمام الرعب في الفيلم.

 فيلمVisions مش مرعب غير للناس اللي بتخاف من أي مشهد فيه ظلام وصراخ في السينما.. في الحالة دي بس الفيلم ممكن يكون كويس.