The Definitive Guide to Living in the Capital , Cairo , Egypt

Walk of Shame

Walk of Shame: كوميديا زائدة عن الحد

  • إليزابيث بانكسجايمس مارسدن...
  • كوميدي
  • ستيفن بريلستيفن بريل
  • في1 Cinema
تم التقييم بواسطة
Mohamed Hamdy
قيم
قيم الآن
Walk of Shame: كوميديا زائدة عن الحد

مين قال أننا بـ نكره الكوميديا؟ الحقيقة أننا من أشد المعجبين بالأفلام الكوميدية اللى بـ تنتجها هوليوود مؤخرًا، أفلام زى The Last Vegas وغيرها كانت بـ تخلينا نقترب من الوقوع على الأرض من فرط الضحك.. حرفيًا، لكن هل نجح Walk of Shame فى تحقيق نفس النتيجة؟

الإجابة هى “لأ”، على الرغم من محاولة المخرج والمؤلف ستيفن بريل أنه يدخل كل التيمات الكوميدية الممكنة وغير الممكنة من خلال أحداث الفيلم، ومحاولة البطلة إليزابيث بانكس أنها تكون ظريفة وكوميدية، إلا أننا شعرنا أن فيه حاجة مهمة ناقصة من الفيلم، ممكن نقول أن روح الفكاهة نفسها كانت غايبة عن الأحداث اللى استمرت على مدار حوالى ساعتين هى عمر الفيلم.

الفيلم بـ يحكي عن شابة بـ تتعرض لتجربة التوهان فى مدينة لوس أنجلوس بدون فلوس أو بطاقة أو أى عوامل مساعدة، الأمر اللى بـ يحطها فى عدد كبير من المواقف الكوميدية المتعاقبة.

يمكن ميزة الفيلم تتمثل فى عدم الملل، تم تصميم المواقف اللى بـ تقع فيها “ميجان” (إليزابيث بانكس) بحيث كل ما تخرج من موقف تلاقى نفسها متورطة فى موقف جديد وهكذا دواليك.

الموسيقى التصويرية كانت متناسبة مع أحداث الفيلم، كمان الديكورات والإضاءة فى الشوارع أو حتى فى أماكن التصوير الداخلية كانت معتدلة ومتفقة مع سياق الأحداث، لكن اللى جعلنا نشعر أن الفيلم مش بالقوة اللى متوقعينها هو إحساسنا أن هناك شىء ناقص، زى الطبخة الممتازة اللى بـ تفسدها رشة ملح بسيطة.

Walk of Shame واحد من الأفلام الكوميدية اللى ممكن تستمتع بمشاهدتها لو كنت مش بـ تركز فى التفاصيل وبـ تسعى لمشاهدة فيلم يغير مودك فى الويك إند، أما لو بـ تدور على أأكثر من كده ننصحك تنتظر فيلم آخر لأن هوليوود عودتنا على إنتاج أفلام أكثر كوميدية.

عجبك ؟ جرب

We are the Millers

نصيحة 360

حصد الفيلم إجمالى أصوات بمتوسط 7.1 من أصل 10 من خلال تقييمات زوار قاعدة الأفلام الدولية على الإنترنت IMDB.  

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح