The Definitive Guide to Living in the Capital , Cairo , Egypt

أفلام
Warm Bodies

Warm Bodies: الموت الحقيقى!

  • تيريسا بالمرجون مالكوفتش...
  • إثارةرومانسي...
  • جوناثان ليفينجوناثان ليفين
  • في1 Cinema
تم التقييم بواسطة
Mohamed Hamdy
قيم
قيم الآن
Warm Bodies: الموت الحقيقى!
يعنى إيه الموت؟!.. هل هو توقف أجهزة الجسد الحيوية عن العمل زى ما أهل الطب عرفونا؟ أم أننا عايشين وسط عالم كبير من الموتى وإحنا مش واخدين بالنا؟ فى الواقع فقد الإحساس بالآخرين هو نوع من الموت، قسوة القلب نوع من الموت، المشاعر السلبية وإيذاء الناس وعدم الاهتمام بمشاعرهم كل دى أنواع موت بـ يمارسها ناس على قيد الحياة بشكل يومى بدون ما يحسوا أنهم موتى.. أحياء.. أو بمعنى آخر.. زومبى!

هو ده المعنى الحقيقى اللى بـ يكلمنا عنه فيلم Warm bodies اللى أخرجه جوناثان ليفين، وقام ببطولته نيكولاس هولت وتيريزا بالمر.

الفيلم بـ يحكى عن تعرض الولايات المتحدة لكارثة بيئية أدت لتقسيم البلاد لقسمين: قسم للأحياء وقسم للموتى الأحياء اللى بـ يتغذوا على الأحياء، وفى خلال حالة العداء بين القسمين، والسور الكبير اللى تم بناؤه للفصل بين القوات بـ تنشأ قصة حب غريبة بين واحدة من الأحياء وواحد من عالم الزومبى.

طبعًا التشابه بين قصة روميو وجولييت وقصة الفيلم واضحة جدًا، حتى من خلال اختيار أسماء أبطال الفيلم، لكن الملاحظة الجديدة اللى إحنا كمان لاحظناها هى الإسقاط السياسى الواضح من خلال أحداث الفيلم، واللى من خلاله يدعى القائمين على الفيلم الولايات المتحدة للانفتاح على الآخر ومحاولة مبادلتهم الحب بدلاً من القهر والحرب، ومحاولة تقبلهم فى العالم الحر المنفتح بدلاً من محاولة إفنائهم عن الكوكب، لعل وعسى يتغيروا من داخلهم ويتحولوا لأشخاص طبيعيين.
الجميل بشكل عام فى الفيلم أنك ممكن تشوفه على أكثر من شكل وبأكثر من معالجة درامية، ساعد على ده الديكورات الممتازة اللى أضفت روح دافئة على الفيلم، والموسيقى اللى أعطت الأحداث روح جديدة ومتجددة باستمرار.
فيلم Warm Bodies ننصحك بمشاهدته فورًا مهما كانت توجهاتك الدينية والسياسية والاجتماعية.. لأنه بـ يتكلم عنك كإنسان.

عجبك ؟ جرب

Flight.

نصيحة 360

الفيلم فيه إشارات كثير لقصة روميو وجولييت، حتى أننا لاحظنا أن أسماء الأبطال أقرب ما يكون لأسماء أبطال القصة، ومشهد الحوار فى البلكونة أشبه بالمشهد الأكثر كلاسيكية فى روميو وجولييت وهو مشهد المناجاة فى الشرفة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح