The Definitive Guide to Living in the Capital , Cairo , Egypt

Whiplash

Whiplash: الدق على الطبول.. والمشاعر

  • بول رايزرجيه كيه سيمونز...
  • دراما
  • داميان تشازيلداميان تشازيل
تم التقييم بواسطة
Mohamed Hamdy
قيم
قيم الآن
Whiplash: الدق على الطبول.. والمشاعر

على الرغم من حصول الفيلم على أوسكار أفضل ميكساج صوت… مش عارفين إزاى لم يتم ترشيح الفيلم لنيل جوائز أخرى؟! على الرغم من الحالة النفسية المتميزة اللي بـ يقدر الفيلم يجذبنا لها، بداية من المشهد الأول وحتى نهاية الأحداث.

من تأليف وأخراج دامين شازيل بـ نشوف جى كي سيمونز وميلز تيلر فى فيلم بـ يتكلم عن الإرادة الحديدية، والأساليب الصعبة في التعليم والتدريب.

الفيلم بـ يحكي عن طالب متفوق وموهوب جدًا في مجال العزف على الطبلة (الدرامز)، الأمر اللي بـ يدفعه للتدريب تحت يد مدرب لا يعرف الرحمة، ويسعى طوال الوقت للكمال، وده اللي بـ يدفعه لتدريب الطلبة تحت يده بأساليب غاية في الغرابة والشدة، وتصل في بعض الأحيان للضرب والصفع أو حتى إلقاء الأشياء فى الوجوه! الأمر اللي بـ يدفع الطالب النجيب للتدريب طوال الوقت للوصول لرضا أستاذه.

بداية من التدريب حتى نزيف اليد، ونهاية بـ تركه لحبيبته علشان يقدر يتفرغ للتدريب، بـ يضرب (أندرو) أكبر مثال على كيفية إخلاص إنسان فى سبيل الوصول للهدف اللي عاوز يوصل له، حتى لو كان العائق وراء الهدف ده مدرب بحجم وثقل (فليتشر) اللي لعب دوره العبقري (جي كيه سيمسونز) في واحد من أفضل أدواره على الإطلاق في دور الأستاذ المحترف المدفوع بسمعته المتميزة في المجال الموسيقي واللي بسببها عاوز يوصل لحدود الكمال في الأداء.

من الصعب أننا ننتقد الموسيقى التصويرية فيما يتعلق بفيلم حاصل على الأوسكار فى ميكساج الصوت، بالإضافة لموضوع الفيلم اللي أجبر صانعيه على التدقيق والتركيز في تفاصيل صوت الفيلم ومزج الخلفيات الموسيقية بالأحداث، الأمر اللي تم تنفيذه بإحترافية وأداء أكثر من رائع استحقوا عليه فعلًا جائزة الأوسكار، وإن كان نفسنا نشوف الفيلم بـ ينافس على المزيد من الترشيحات والجوائز.

ديكورات الفيلم كمان كانت متميزة وقوية، واختيار الألوان وأساليب الإضاءة كان متناسب مع الجو العام للأحداث والتقلبات النفسية اللي بـ يمر بها الأبطال طوال الوقت بشكل بـ يخلينا إحنا كمشاهدين قاعدين على حافة التوتر طوال الوقت وفي انتظار التقلب الجديد.

Whiplash فيلم متميز للشباب. يعلمنا ويعلمهم الإصرار على الهدف مهما كان صعب.. ومهما كان الطريق إليه مرصوف بالدقات على الطبول.. أو الأجساد أحيانًا!

عجبك ؟ جرب

 Men of Honor (2000).

نصيحة 360

تم تصوير الفيلم بالكامل فى أقل من 20 يوم!

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح