The Definitive Guide to Living in the Capital , Cairo , Egypt

أفلام
Winx Club A magical Adventure – نادي وينكس

Winx Club – A magical Adventure: السينما الإيطالية

  • أيمليانو كولتورتيتيد ديلون...
  • كارتون
  • أيجينيو أسترافيأيجينيو أسترافي
  • في1 Cinema
تم التقييم بواسطة
Mohamed Hamdy
قيم
قيم الآن
Winx Club – A magical Adventure: السينما الإيطالية
فى الواقع، إحنا بـ نشجع على مشاهدة الأفلام غير الهوليوودية، وكان نفسنا يكون تشجيعنا ده لصالح الأفلام العربية، لكن الواقع المأساوى اللى بـ تعيشه السينما فى مصر بـ تخلينا نفكر أكثر من مرة قبل ما نشجع على مشاهدة السينما بتاعتنا! بالتالى مش بـ يتبقى أمامنا غير التشجيع على مشاهدة الأفلام غير الأمريكية زى فيلم النهارده، ومش بعيد نبدأ قريبًا نشجع على مشاهدة الإنتاج التركى اللى بدأ يغزو عالم الأفلام بخطوات قوية زى ما اكتسح التليفزيون والإنتاج الدرامى بشكل يحط إنتاجنا المصرى فى مقارنة مزعجة.

الفيلم من إخراج وتأليف أجينو سترافا، إيطالى الجنسية وصابغ الفيلم بتاعه بصبغة رومانسية حالمة من النادر أننا نشوفها فى كثير من الأفلام فى قاعات العرض اليومين دول. بذكر قاعة العرض، للأسف عدد المشاهدين ما كانش كثير زى ما توقعنا، وكان معظمها من الأطفال اللى فرحنا أن عينهم بدأت تتعود على أسلوب جديد فى المونتاج والإخراج غير الأسلوب الهوليوودى.

الفيلم بـ يحكى عن رحلة مدهشة لأميرة لمملكة مفقودة اسمها مملكة دومينو، بـ تقرر الملكة البحث عن أهلها الحقيقيين، رحلتها مش سهلة، لكن فتيات الوينيكس بـ يساعدوها فى رحلة بحثها الحثيثة. قصة ممكن تبدو بسيطة، لكن أداء ليتزيا كيمبا فى دور بلوم وتيدى ديلون فى دور أندروس وماركو فيفيو فى دور ريفين وأمليانو كولتو فى دور سكاى ساعدوا على إكساب القصة والأداء جزء من الإيقاع الساحر.
الموسيقى كانت رائعة والعرض بتقنية الـ 3D كان ثرى ورائع، ومن زمان ما شوفناش فيلم بالإبهار ده.

من الآخر.. قد تكون التجربة السينمائية الإيطالية ناقصها عوامل كثير، لكن الابتعاد عن هوليوود يخليها تستحق أن نعطيها أكثر من فرصة.

عجبك ؟ جرب

Finding Nemo.

نصيحة 360

رغم جودة الفيلم إلا أنه حقق حوالى 20 ألف جنيه مصرى من الأرباح حتى لحظة كتابة السطور دي، لسه هوليوود مسيطرة على العقلية المصرية فى توزيع الأفلام على السينمات بشكل كبير.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح