The Definitive Guide to Living in the Capital , Cairo , Egypt

حالة كبيرة من الجدل صاحبت عرض فيلم Wonder Woman في العديد من البلدان العربية بسبب جنسية بطلة الفيلم جال جادوت الإسرائيلية، لكن في النهاية تبقى الانقسامات السياسية.. وتبقى السينما فن منفصل بذاته لا يعترف بالحدود أو الجنسيات.

القصة

الفيلم بيحكي عن المرأة الخارقة لما كانت عايشة على جزيرة فيها عدد كبير من الفتيات الأمازونيات، وفى أحد الأيام بتسقط طائرة حربية أمريكية على الجزيرة وبتقدر البطلة الأميرة ديانا إنها تنقذ الطيار الأمريكي واللي بيحكيلها عن الحرب العالمية الأولى اللي بتدور رحاها في العالم وقتها. ديانا بتقرر تشارك في الحرب علشان تحقق حلمها ومهمتها الأساسية اللي بيدور حواليها الفيلم.

فريق العمل

الفيلم من إخراج باتي جينكينز ومن بطولة جال جادوت وكريس باين وروبن رايت مع كوني نيلسن ولوسي ديفيس.

الأداء التمثيلي

الأداء التمثيلي لجال جادوت كان ضعيف لدرجة كبيرة، كمان كانت محتاجه تاخد بالها من قدراتها الجسدية قبل ما تدخل في فيلم كله ضرب وحرب بالشكل ده، علشان النتيجة كانت الاستعانة بالدوبليرات في كتير من مشاهد الفيلم علشان يغطوا على عدم قدرتها على القيام بعدد كبير من مشاهد الفيلم.

أما كريس باين فكانت مشاهده أقوى، وكانت المقارنة بين مشاهده ومشاهد جال جادوت لصالحه طبعًا.

السيناريو والحوار والإخراج

سيناريو الفيلم قدر يركز على عوامل القوة في الأحداث، والحوار اللي كنا خايفين إنه يكون أضعف حلقات سلسلة الفيلم طلع في النهاية متميز وقادر على إنه يعكس الحالة الإنسانية للأبطال، وطبعًا الإخراج اعتمد بالمقام الأول والأخير على المؤثرات الخاصة اللي قدمت بعض المعارك والاشتباكات بشكل مثير ويحبس الأنفاس إلى أبعد الحدود.

الديكورات والموسيقى والأزياء

ديكورات الفيلم كانت قوية وقدرت ترجعنا للفترة الزمنية الخاصة بالحرب العالمية الثانية، على العكس من الموسيقى اللى لم تكن بالقوة اللي توقعناها، أما الأزياء فكانت هي كمان متناسقة مع الظرف الزمني اللي بتدور فيه أحداث الفيلم.

الخلاصة

فيلم wonder woman مقدمة قوية لسلسلة من الأفلام اللي نتوقع لها الاستمرار والنجاح.

علشان تبقى عارف:

المخرج زاك سنايدر ظهر في دور شرفي كواحد من الجنود في الحرب العالمية الأولى.