The Definitive Guide to Living in the Capital , Cairo , Egypt

أفلام
World War Z

World War Z: حرب جديدة ضد الزومبى

  • براد بيتدانييلا كيرتيز...
  • إثارةحركة ومغامرات...
  • مارك فوسترمارك فوستر
  • في1 Cinema
تم التقييم بواسطة
Mohamed Hamdy
قيم
قيم الآن
World War Z: حرب جديدة ضد الزومبى

الحقيقة اللى عاوزين نصارحكم بها أننا ما عندناش تفاؤل كبير بالأفلام المعتمدة على فكرة “الزومبى” لتقديم جرعة من الأكشن والدراما للمشاهدين، السبب فى رأينا أن كل تيمات الزومبى تم استهلاكها عن آخرها هى وكل تيمات مصاصى الدماء، لدرجة أننا شوفنا تيمة “الرئيس المقاتل لمصاصى الدماء” فى فيلم شهير هو Abraham Lincoln: Vampire Hunter  واللى بـ نشوف من خلاله الرئيس الأمريكى وهو بـ يتصدى بنفسه لمصاصى الدماء!

الفيلم اللى أخرجه مارك فورستر وقام ببطولته براد بيت، ميريل إينوس، ماثيو فوكس وغيرهم، بـ يحكى عن محاولة موظف بالأمم المتحدة الدخول فى سباق ضد الزمن للتصدى لوباء بـ يحول البشر إلى زومبى بـ يسقطوا الحكومات ويهاجموا الجيوش لدرجة أنهم بـ يحاولوا يقضوا على الجنس البشرى بالكامل.

رأينا الشخصى أن بعض الإسقاط السياسى كان موجود فى الفيلم من خلال إظهار الأمم المتحدة بدور القائم على حماية الشرعية فى العالم والحفاظ على الأمن والأمان، لكن زى ما قولنا قبل كده أن لعبة الإسقاطات لعبة قائمة على إدراك كل مشاهد للأحداث، بالتالى بـ يختلف تفسيرها من شخص لآخر.

فى رأينا الشخصى أن براد بيت ما ينفعش تركيبه الشكلى أو الجسدى للقيام بأدوار الأكشن وإطلاق النار… إلخ، رغم أن كلامنا ده ممكن يضايق كثير من الجنس اللطيف، أكيد براد بـ يقدر يخرج بره الستايل بتاعه من آن لآخر، لكن فى رأينا أنه ما قدرش يجسد شخصيته بنسبة 100% فى الفيلم ده.

مستوى الخدع البصرية والجرافيكس كانت ممتازة وحسينا فى بعض المشاهد بمستوى عالى ومتميز من الإبهار إلا أن بعض المشاهد كان واضح فيها “الفبركة” الجرافيكية، كمان الموسيقى التصويرية كانت مقبولة وكانت متناسقة مع المشاهد باستمرار على طول خط الفيلم، الديكورات كمان كانت مريحة للعين.

World War Z.. فيلم مناسب لأجازة الويك إند،أو لو كنت من عشاق الفنان العالمى براد بيت بـ ننصحك تشوفه وترجع تقول لنا رأيك.

عجبك ؟ جرب

Warm Bodies.

نصيحة 360

الفيلم مأخوذ من رواية World War Z اللي حققت أعلى المبيعات وفقًا لقائمة نيويورك تايمز للكتب الأكثر مبيعًا. وبلغت ميزانيته حوالى 200 مليون دولار، وتم تصويره فى المملكة المتحدة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح