The Definitive Guide to Living in the Capital , Cairo , Egypt

Zoolander 2

Zoolander 2: عالم الموضة… وعالم السينما!

  • أوليفيا منأوليفيا مَن...
  • حركة ومغامراتكوميدي
  • بن ستيللربن ستيللر
تم التقييم بواسطة
Mohamed Hamdy
قيم
قيم الآن
Zoolander 2: عالم الموضة… وعالم السينما!

مع معرفتنا بإنتاج جزء تاني من سلسلة أفلام Zoolander ومع الفارق الزمني الكبير بين الفيلمين، حطينا أيدنا على قلبنا وبقينا فى قلق شديد من مستوى الفيلم الجديد، لأن اللى إحنا عارفينه عن الأجزاء التانية من الأفلام أنها فى الغالب مش بتكون بنفس قوة الأجزاء الأولى، وخصوصًا فى الأفلام الكوميدية واللى بتحتاج دايمًا تكون طازة ومتوائمة مع متطلبات السوق السينمائي المتجددة دائمًا خصوصًا فى الأفلام الكوميدية… للأسف الفيلم ما خيبش توقعاتنا وجاء فى مرتبة أقل بكثير من الجزء الأول.. وأقل حتى من أي فيلم كوميدي شوفناه مؤخرًا.

من بطولة وإخراج بن ستيلر وبينولبي كروز وأوين ويلسون بنشوف قصة زولاندر وهانسل اللى بيقرروا العودة من جديد لمجال عروض الأزياء بعد انقطاع حوالى 10 سنين عن مزاولة المهنة، لكن الأمور مش بتمشى معاهم بسهولة بعد ما بيكتشفوا أن فيه مؤامرات كتيرة بيتم تدبيرها علشان تمنعهم من العودة من جديد للمجال.

الحقيقة أن القصة ما كانتش قوية زي ما توقعنا، وكانت مجرد غطاء تمويهي لتمرير جرعة الكوميديا اللى الفيلم عاوز يمررها، والحقيقة إحنا ما عندناش مشكلة مع ده فى حالة أن الكوميديا تكون قوية ومختلفة، لكن فى حالة الجزء الثاني من Zoolander الكوميديا كانت سيئة جدًا.. مفتعلة ومبنية على الإيفيهات أكتر من اعتمادها على المواقف الحقيقية الكوميدية، وده أفقد الفيلم متعته وأفقدنا أي قدرة على الانحياز للفيلم أو الوقوف فى صفه أكتر من كده.

الكلام عن الموسيقى التصويرية أو باقى عناصر الفيلم بيكون قليل جدًا فى حالة الأفلام الكوميدية لأن التركيز الأساسى مش بيكون عليها، لكن ده ما يمنعش أننا لاحظنا بعض المشاهد الجميلة بصريًا واللى التصوير قدر يكون متميز فيها، لكن زي ما قولنا التركيز الأساسى كان على الكوميديا والإيفيهات، ورغم التركيز ده جات النتيجة فى النهاية مخيبة للآمال.

بنعتقد أن الاعتماد على الجميلة بينلوبي كروز فى الدور النسائي كان اختيار موفق من الناحية التجارية خصوصًا مع الإيفيهات الجنسية اللى تم الاعتماد عليها فى جزء كبير من دور كروز، لكن على صعيد مستوى الفيلم أو الأداء التمثيلي كان من الواضح أن بينلوبي اختيار خاطئ تمامًا، بس زي ما قولنا الأحداث والقصة كانت مُهملة تمامًا على حساب الكوميديا اللى ما كانتش موجودة بالقوة أو الشكل اللى كنا نتوقعه.

آخر كلامنا؟ استنوا Zoolander 2 فى الفضائيات وما تضيعوش وقتكم فى فيلم أقصى حاجة ممكن تخرجوا بها منه هى بعض الابتسامات هنا وهناك على بعض المشاهد والإيفيهات!

عجبك ؟ جرب

الجزء الأول من نفس السلسلة.

نصيحة 360

الفرق بين الجزء الأول والثاني من الفيلمين 15 سنة!

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح