The Definitive Guide to Living in the Capital , Cairo , Egypt

أجمد 11 مكان في القاهرة لخروجة مطرقعة في العيد
    بواسطة
    Mohammed Sabry

    في العيد بنحتار نروح فين ونيجي منين. بنكون زهقانين من كل الأماكن التقليدية، اللي روحناها كتير. وعايزين نجرب حاجة جديدة. علشان كده في كايرو 360 جبنا لكم شوية أماكن جديدة ومختلفة، ممكن تجربوها العيد ده، وتنبسطوا مع أصحابكم وقرايبكم. يلا نعرفها:

    1- ماجيك بلانيت – المعادي

    مكان ترفيهي للأطفال جوة كارفور المعادي. بيقدم ألعاب مختلفة للأطفال، وألعاب فيديو ومراجيح. وكمان فيه لعبة العربيات التصادمية. وبتكون الألعاب فيه عن طريق كارت ألعاب بتشتريه، وبعدين تشحنه بالمبلغ اللي انت عايزه.

    للتواصل: 0225204000 – 01000880801

    2- مسرح العرائس – الأزبكية

    مسرح القاهرة للعرائس في الأزبكية، هو أكبر مسرح عرائس في العالم العربي. تم إنشاؤه سنة 1959. هيقدم عرض “رحلة الزمن الجميل”، من تاني أيام العيد. العرض هيكون يوميًا الساعة 6:30. وسعر التذكرة: 15 – 20 جنيه.

    للتواصل: 0225910954

    3- قرية فجنون – مساكن شيراتون والهرم

    المكان ده مخصص للترفيه والتعليم في نفس الوقت. فيه تقدر تمارس أنشطة كتيرة زي التلوين وصناعة الفخار وكمان خبز العيش. وأكتر حاجة مشهورة هناك هي حرب الطين، اللي طبعًا بتتبهدل وانت بتلعب فيها. والعائلات تقدر تجيب الأكل والشرب الخاص بيها. وبننصحك تاخد معاك لبس احتياطي وفوطة، علشان تغير بعد اليوم واللعب ده كله.

    للتواصل: 01006818790 – 01224569141

    4- أدرينالين بارك – 6 اكتوبر

    هناك تقدر تلعب حرب الألوان (Paint ball) انت وأصحابك. بتتقسموا فرق ماتقلش عن 8 أفراد. وبتاخدوا الزي والمسدسات والطلقات. وكمان في ألعاب مائية ممتعة.

    للتواصل: 01225001008 – 01110014177

    5- رفاهية – البحر الأعظم

    رفاهية كمان فيها لعبة حرب الألوان. وألعاب تانية زي كرة قدم الفقاعات، والتزحلق على ملعب كرة الصابون. بالإضافة لألعاب الفيديو والإكس بوكس والبلاي ستيشن.

    للتواصل: 01113121312 – 01000673675

    6- سمارت كامب – العبور

    المكان ده أكيد هتنبسطوا فيه لأنكم هتعملوا Sandboarding. غير الألعاب والأنشطة التانية زي كرة القدم، كرة القدم الأمريكية، كرة السرعة، بينج بونج وغيرها. بس لازم تحجزوا قبلها بيومين على الأقل.

    التواصل من خلال صفحتهم من هنا.

    7- ماجيك جلاكسي – مصر الجديدة

    مكان ترفيهي عائلي متكامل جوة مول سيتي ستارز. وفيه نشاطات وألعاب للصغار والكبار. واللعب بيكون عن طريق كارت ألعاب تشتريه، وتشحنه بالمبلغ اللي انت عايزه.

    للتواصل: 0224802032 – 0224802031

    8- أفريكا سفاري بارك – طريق القاهرة إسكندرية

    عبارة عن غابة مفتوحة بمساحة 200 فدان. الدخول والتجول فيها بيكون بالعربية. وهناك بتشوف أنواع مختلفة من الحيوانات والطيور النادرة. موجودة في الكيلو 65 طريق القاهرة – الإسكندرية الصحراوي. البرنامج بيشمل سفاري، رحلة نهرية بالمركب، بيت الطيور، بيت الزواحف، الكهف.

    للتواصل: 01223600967 – 01001175098

    9- قرية العزبة – الهرم

    على طريق سقارة السياحي، ترعة المريوطية. هناك تقدر تقضي يوم على حمام السباحة، شامل الفطار والغدا. ده وسط الأجواء الريفية والعروض الترفيهية.

    للتواصل: 01155064010 – 01222757779

    10- سكيت ماكس – 6 أكتوبر

    لو عايز تغير وتعمل حاجة جديدة ومختلفة، يبقى تروح على سكيت ماكس في سيتي سكيب مول، علشان تستمتع بالتزحلق على الجليد.

    التواصل من خلال صفحتهم من هنا.

    11- جزيرة المعادي

    موجودة قدام مستشفى القوات المسلحة. وبتتكون من مجموعة جزر صغيرة، بتوصل بينها جسور صغيرة. فيها بحيرات صناعية، ومراكب للتجول فيها. وكمان في مطاعم وكافيهات. ومنطقة مفتوحة لألعاب الأطفال.

    للتواصل: 01018202004

    انبسطوا

    مقترح