اصنعها بنفسك: فواكه البحر المشوية في الفرن
Cairo 360
زي ما قولنا لكم قبل كده.. إحنا في كايرو 360 بنشجع الجميع سواء بنات أو رجالة يدخلوا المطبخ ويجربوا يعملوا أكل بنفسهم، علشان كدة هنستعين بالكاتبة والـ food stylist هبة عبد العليم، اللي هتعرفكم في السطور الجاية إزاي تعملوا بنفسكم فواكه البحر المشوية في الفرن بأفضل وأسهل وأسرع طريقة.
يلا نبدأ:
المكونات
ربع كيلو فيليه السمك الأبيض مقطع مكعبات
ربع جمبري منضف بقشره
ربع كيلو بلح بحر
2 كابوريا سليمة أو مقطعة
ربع كيلو سلمون مقطع مكعبات
ربع كيلو كاليماري مقطع حلقات
3 سمكات السلطان إبراهيم
20 ثمرة طماطم شيري مقطعة أنصاف
1 لمون أضاليا مقطع شرائح
2 ملعقة كبيرة بقدونس مفروم
نص ثمرة فلفل أحمر حلو مقطع مكعبات
6 فصوص ثوم بقشره مكسور قليلًا
معلقة صغيرة شطة
ملعقة صغيرة فلفل أسود
ربع ملعقة صغيرة زعفران
2 ملعقة صغيرة ملح
ثلث كوب زيت زيتون
الطريقة
1 ـ في وعاء عميق تخلط كل المقادير معًا وتقلب برفق
2ـ ترص فواكه البحر في صينية فرن كبيرة مع ملاحظة أن تكون طبقة واحدة
3ـ تدخل فرن حار لمدة 25 دقيقة ثم تقدم ساخنة
وبالهناء والشفاء
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
