The Definitive Guide to Living in the Capital , Cairo , Egypt

الحياة في كايرو

النهارده في القاهرة: استعد للفالنتين مع داليا فريد وحرفوش

النهارده في القاهرة: استعد للفالنتين مع داليا فريد وحرفوش
    بواسطة
    Cairo 360

    يوم جديد بيهل علينا، والجو كمان جميل. الظاهر كده واخد باله إن الفالنتين بكرة، ومش عايز يرخم على الحبيبة. تعالوا بقى نقولكم أجندة كايرو 360 محضرة لكم إيه:

    بما إن الفالنتين بكرة، فأكيد أجوائه بتبدأ من قبلها بيوم على الأقل. وعلشان كده ميعادكم النهارده مع حفلة الفالنتين على مسرح الجمهورية. الحفلة هيحييها الفنان أحمد حرفوش، والفنانة داليا فريد. وبيقود الأوركسترا محمد سعد. الحفلة هتبدأ الساعة 8 مساءً. وسعر التذكرة: 75 – 100 جنيه.

    بلكون هليوبوليس بمصر الجديدة، يعرض فيلم “It’s Only the End of the World”. اللي بيحكي قصة كاتب بيصاب بمرض بيهدد حياته. وبيرجع لعائلته بعد غياب علشان يعرفهم إنه خلاص بيموت. العرض هيبدأ الساعة 8 مساءً. سعر التذكرة: 25 جنيه.

    sdfhrftyf

    وفي ساقية الصاوي، فرقة “فانتازيا مسرحية” هتقدم مسرحية “الصفحة رقم 13″، على مسرح الحكمة. العرض هيبدأ الساعة 6:30 مساءً. سعر التذكرة: 20 – 25 جنيه.

    يلا انبسطوا وانسوا الهم.

    مقترح