The Definitive Guide to Living in the Capital , Cairo , Egypt

الحياة في كايرو

النهارده في القاهرة: الضحك والتنطيط مع كاريزما باند في الساقية

النهارده في القاهرة: الضحك والتنطيط  مع كاريزما باند في الساقية
بواسطة
Cairo 360

الجو عاملها معانا بقاله يومين، وقالب حر وفرهدة. والواحد شايل هم نزول الشغل أو المشاوير، لكن عند الخروجات مفيش تفكير. تعالوا نعرف خروجات القاهرة من أجندة كايرو 360:

فريق “كاريزما”  هيحيي حفلة غنائية، بمجموعة من أجمل أغانيه، على مسرح الحكمة في ساقية الصاوي. الحفلة هتبدأ الساعة 7:30 مساء. وسعر التذكرة: 25 – 30 جنيه.

سينما زاوية هتبدأ من النهاردة مهرجان “أيام القاهرة السينمائية”، واللي بيهدف لتسليط الضوء على إنتاجات السينما العربية المستقلة. العروض بتبدأ من 9 صباحًا. المهرجان مستمر لحد يوم 16 مايو، والدخول مجانًا.

فرقة أراجيد هتقدم حفل غنائي في مكان. ويقدم الحفل الفنانين فرح المصري، ومصطفى هيركي. اللي هيقدموا مجموعة من أغاني التراث. الحفلة هتبدأ الساعة 8 مساء. وسعر التذكرة: 30 جنيه.

سيما دكة في دكة أضف، هتعرض فيلم “Victoria”. وبتدور قصته عن بنت بتتعرف على مجموعة من الأصدقاء، في برلين. وبتخرج الأمور عن السيطرة لما تشترك معاهم في عملية سطو. العرض هيبدأ الساعة 7 مساء. الدخول مجانًا.

Enjoy to the max.

مقترح