The Definitive Guide to Living in the Capital , Cairo , Egypt

الحياة في كايرو

النهارده في القاهرة: حفلات فنية منوعة وعرض مسرحي وقعدة كاريوكي

النهارده في القاهرة: حفلات فنية منوعة وعرض مسرحي وقعدة كاريوكي
بواسطة
Cairo 360

أجندتنا النهارده بتقول أنه مساحة الاختيار أوسع شويتين من امبارح، وده مؤشر على أنه القاهرة واعية وماشية معانا بالتدرج التصاعدي المطلوب بعد راحتنا الطويلة في إجازة العيد.

البداية من بيت السناري في السيدة زينب، المكان البسيط الساحر هيستضيف يوم فني مفتوح بعنوان "خمسة فن"، اليوم هيتضمن عدة فعاليات فنية منوعة، هيبدأ الساعة 5:00 مساءً وكالعادة الدعوة عامة والحضور مجاني.

بعدين نروح على دار الأوبرا اللي هتكون على معاد مع الحفل الثاني بعد حفل الأمس للموسيقار الكبير عمر خيرت، الحفل هيبدأ في تمام الثامنة مساءً في القاعة الكبرى، وأسعار التذاكر بتبدأ من 150 جنيه.

بعدين نروح لساقية الصاوي اللي مكانها محجوز دايمًا وسط فعاليات القاهرة اليومية، هيستضيف مسرح قاعة الحكمة فيها عرض مسرحي بعنوان "أوسكار" من تقديم فرقة كاركترز للفنون المسرحية، البداية هتكون 7:30 مساءً، وسعر تذكرة الحضور 25 جنيه.

وفي ختام الفعاليات تيجي روم آرت سبيس بفعاليتها الثابتة كل يوم إثنين، قعدة الكاريوكي اللي بتبقى كلها مرح وفرفشة، البداية هتكون الساعة 7:00، والفعالية من غير تذاكر حضور، لكن في حد أدنى للطلب من قائمة البوفيه 35 جنيه.

مقترح