The Definitive Guide to Living in the Capital , Cairo , Egypt

النهارده في القاهرة: حفل شيرين عبده وعرض فيلم باب الوداع وفعالية جري جماعي وأحداث أخرى

النهارده في القاهرة: حفل شيرين عبده وعرض فيلم باب الوداع وفعالية جري جماعي وأحداث أخرى

النهارده الثلاثاء وده سبب كافي يخلينا نبدأ في موضوعنا على طول ونقول لكم على الأحداث اللي هتحصل في القاهرة من غير أي مقدمات أو تمهيدات.

أول أحداث يومنا النهارده هتكون من المركز المصري للثقافة والفنون "مكان" اللي هيستضيف واحدة من علامات الفن المستقل في مصر، الفنانة "شيرين عبده" ومشروعها "عرض حي" اللي هيقدمولنا ألحانها المميزة مدمجة في ألوان مختلفة من الموسيقى، الحفلة هتبدأ في تمام الثامنة مساءً، وسعر تذكرة الحضور 30 جنيه.

ثاني الأحداث هيكون من جاردن سيتي وتحديدًا من أوزيريس آرت سبيس اللي هتستضيف للمرة الثانية عرض الفيلم الروائي الطويل "باب الوداع" اللي نال إعجاب الجمهور من ساعة عرضه الأول، سعر دعوة الحضور 25 جنيهًا، وبداية العرض هتكون في تمام السابعة مساءً.

ورقم ثلاثة هيكون رقم رياضي بامتياز، ده لأنه هيكون من أراضي المعادي اللي هتنظم عليها مجموعة "Night Runners" فعالية جري جماعي في الشارع هتبدأ من الساعة السابعة مساءً من أمام جراند كافيه، وباب المشاركة مفتوح للجميع.

في حين هيستمر معانا عروض مهرجان الجيزويت الثالث للفيلم في جيزويت القاهرة ابتداءً من الخامسة مساءً، وعرض باليه سبارتاكتوس في دار الأوبرا اللي هيبدأ في تمام الثامنة مساءً.

خروجة سعيدة، وثلاثاء خفيف علينا عليكم بعون الله.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح