النهارده في القاهرة: مهرجان القلعة بيفتتح فعالياته بحفل لفرقة ليه بيتي شاه
Cairo 360
النهارده القاهرة فيها حدث مهم جدًا لكل عشاق الفن، مهرجان القلعة اللي هيبدأ النهاردة وهيستمر لحد يوم 2 سبتمبر، كنا ادينا لكم فكرة عنه قبل كده في مقال سابق وحاولنا نعرفكم بكل التفاصيل اللي تهمكم عن الفعاليات ومواعيدها وطبيعتها وكيفية حضورها وكده.. تقدروا تراجعوه تاني من هنا.
والنهارده احنا حريصين أننا نفكركم تاني بموعد البداية، البداية اللي هتكون النهارده الساعة 8:00 مساءً من محكي القلعة مع فرقة "ليه بيتي شاه" أحد أقدم الفرق المصرية اللي بتقدم الغناء والموسيقى الغربية وبدرجة عالية من الاحترافية.. يكفينا نعرف أنه تعاقب على الانضمام ليها والمشاركة في أداء عروضها أسماء كبيرة جدًا في عالم الموسيقى زي الموسيقار عمر خيرت على الدرامز، والفنان عزت أبو عوف على الأورج، والموسيقار هاني شنودة على الهاموند، وغيرهم.
النهارده هيكون اليوم الوحيد اللي بيضم حفلة واحدة، ومن بكرة هتبدأ الأيام تبقى ثنائية الحفلات.. حفلة الساعة 8:00 مساءً، والتانية الساعة 10:00 مساءً، يللا بينا نشمر وندوس.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
