The Definitive Guide to Living in the Capital , Cairo , Egypt

بالخطوات: إزاي تجدد بطاقتك من غير ما تتحرك من بيتك؟

بالخطوات: إزاي تجدد بطاقتك من غير ما تتحرك من بيتك؟
بواسطة
Mostafa Fathi Abdelfadil

أحيانًا بنكون محتاجين نجدد البطاقة الخاصة بينا أو بحد يهمنا زي الأم مثلًا اللي بنكون خايفين عليها من البهدلة والزحام والحر، وبنكون شايلين هم الطوابير والمجهود والتعب وبهدلة المصالح الحكومية اللي كلنا عارفينها، لكن تعرف أنك ممكن تجدد بطاقتك وأنت قاعد في البيت؟ إحنا هنقول لك إزاي تعمل كده بطريقة سهلة جدًا ومش معقدة.

                            

دي تجربة حقيقية قمنا بها علشان نشوف هل فعلًا ممكن نجدد البطاقة بسهولة أونلاين، ولاقينا الموضوع بسيط جدًا، دخلنا على موقع تجديد البطاقة اللي عملته الحكومة المصرية من فترة، اضغط هنا علشان تشوف الموقع،  بعدها لاقينا الموضوع واضح جدًا، بتلاقي استمارة مطلوب منك تملاها بكل البيانات، وتتأكد أنك كاتب العنوان بطريقة سليمة علشان هتوصلك عليه البطاقة.

 

بعد ما انتهينا من كتابة كل البيانات ضغطنا على إرسال، وبعدها بيومين تلقينا اتصال من الأحوال المدنية، راجعوا معانا البيانات وبعدها بحوالي أسبوع وصلتنا البطاقة لحد البيت في طرد مسجل.

ومش لازم يكون معاك بطاقة ائتمانية، لأنك تقدر تختار الدفع عند الإستلام، وده اللي إحنا قمنا به بالفعل، الموضوع كله كلفنا حوالي 65 جنيه بس.

لينك الموقع:

https://cso.gov.eg/NetServices

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح