دليلك لتقديم شكوى لجهاز حماية المستهلك
Cairo 360
أحيانًا بنشتري سلعة ونكتشف أن فيها عيب، أو تم بيعها لنا بسعر غير سعرها الحقيقي، ولما بنتواصل مع خدمة العملاء بنلاقي عدم اهتمام، #كايرو_360 هتقول لكم بالخطوات إزاي تتواصلوا مع جهاز حماية المستهلك، اللي بيقدر يجيب لكم حقكم.
أول نصيحة نحب نقولها لكم، هي إنذار البائع بأنك هتعمل شكوى في جهاز حماية المستهلك لو ماحلش لك مشكلتك، أحيانًا التهديد ده بيجيب نتيجة وبيخليه يحس أنك فاهم حقك كويس ومش هتسكت، لكن لو الطريقة الودية مانفعتش يبقى لازم تقدم شكوى وماتسيبش حقك.
أول حاجة تتصل بالخط الساخن لجهاز حماية المستهلك (19588) من خلال أي خط أرضي. وتبلغ شكوتك، ممكن يطلب منك تبعت له بعض الأوراق زي الفاتورة مثلًا، عن طريق واتس آب على رقم 01577779999. أو ممكن تبعتها على الإيميل التالي: info@cpa.gov.eg. وتقدر تبعتها كمان إلكترونيًا عن طريق الضغط هنا. كمان تقدر تبعت الشكوى من خلال الفاكس على رقم 0233055753.
ممكن كمان تروح بنفسك لمقر جهاز حماية المستهلك وعنوانهم سهل جدًا 96 شارع أحمد عرابي، المهندسين، وهناك بتقدم الشكوى وبتقول لهم كل التفاصيل ولازم طبعًا يكون معاك الفاتورة مختومة.
وفي جميع الأحوال مهم ترفق صورة من فاتورة الشراء عند تقديم الشكوى أو إرسال صورة الفاتورة والمستندات الخاصة بالمنتج أو الخدمة محل الشكوى مدون عليها البيانات الخاصة بالشاكي.
وعلشان تعرف تفاصيل أكثر ممكن تزور الموقع ده.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
