The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: تامر حسني والمولوية ووسط البلد وحفلات أكتر في القاهرة

إحنا بتوع الشتا الساقية المولوية تامر حسني حفلات درب 1718 رووم سينما عيد ميلاد فيروز فرقة تجلي فرقة وسط البلد فيروز مسرح مسرح الضمة ويك إند سعيد
دليلك لويك إند سعيد: تامر حسني والمولوية ووسط البلد وحفلات أكتر في القاهرة
    بواسطة
    Cairo 360

    الصورة الرئيسية تصوير: شادي حبش

    كل نهاية أسبوع بنحب نوفر لكم أفضل الأحداث اللي تخليكم تستمتعوا بأجازتكم وتجربوا تحضروا حاجة جديدة تخرجكم بره مود الروتين والزهق علشان ترجوا بنشاط بعد الأجازة.

    نبدأ بالنهارده يوم الخميس، وفرقة الوزيري الاسمعلاوية اللي هتقدم حفلة غنائية على مسرح الضمة. وسعر التذكرة: 40 جنيه.

    كمان فيه حفل فرقة المولوية المصرية بقيادة الفنان عامر التوني على مسرح قاعة النهر بساقية عبد المنعم الصاوي، وسعر التذكرة 50 جنيه.

    أما جاليري حيفا فهيحتفل بيعد ميلاد جارة القمر فيروز. وسعر التذكرة: 50 جنيه.

    برضه رووم  بتدعوكم لسهرة غنائية مع فريق  The Bends. وسعر التذكرة: 75 جنيه.

    وننتقل ليوم الجمعة، والنجم تامر حسني هيحيي حفلة غنائية مع النجم العالمي جيسون ديرولو في الجامعة البريطانية.

    أما رووم فبتدعوكم لحضور ليلة جميلة من أغاني بينك فلويد مع فريق بارانويد آيز. وسعر التذكرة: 75 جنيه.

    كمان فرقة ميديك وبارانويا هيقدموا حفلة موسيقية في مركز درب 1718. وسعر التذكرة: 75 جنيه.

    برضه فيه مهرجان الشوكولاتة في ساقية عبد المنعم الصاوي، واللي هيكون فيه عرض لأنواع الشوكولاتة مع عروض ماريونت وسيرك وأكروبات وحفلات.

    ونختم بيوم السبت، وفرقة تجلي هتقدم حفلة إنشاد على مسرح الضمة. وسعر التذكرة: 40 جنيه.

    أما رووم فبتدعوكم لحضور حفلة موسيقية مع لؤي حجازين. وسعر التذكرة: 75 جنيه.

    كمان فيه حفل فرقة وسط البلد على مسرح قاعة النهر بساقية عبد المنعم الصاوي، وسعر التذكرة 75 جنيه.

    برضه مساحة 9 شارع عدلي هتستضيف حفلة إحنا بتوع الشتا. وسعر التذكرة: 50 جنيه.

    لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.

    ويك إند سعيد!

    مقترح