The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: حفلات لـ فلامنكا وأم كلثوم والطنبورة وأنشطة أكتر في القاهرة

دليلك لويك إند سعيد: حفلات لـ فلامنكا وأم كلثوم والطنبورة وأنشطة أكتر في القاهرة
بواسطة
Cairo 360

كل فترة بنحتاج ناخد يومين نفصل فيهم عن روتين الحياة ومشاكلها، فلو ما عرفتش تسافر أي مكان قريب يبقى لازم تجرب حاجة مختلفة تبسطك، وده اللي بنحاول نوفره في دليل أحداثنا.. اللي هدفه يخلي الويك إند بتاعك.. سعيد.

نبدأ بالنهارده يوم الخميس، وحفل ثلاثي “لينون” (من إيطاليا)على المسرح الصغير في دار الأوبرا المصرية وسعر التذكرة 35 جنيه.

أما لو بتحب الرقص فيه حفل فلامنكا مختلف للفنان وائل خضر وفريقه في رووم أرت سبيس، والتذكرة بـ 50 جنيه.

كمان فيه حفل إنشاد ديني لفرقة وصلة سماع على مسرح النهر في ساقية عبد المنعم الصاوي، وسعر التذكرة 35 جنيه.

ولعشاق الفن الأصيل  هتلاقوا حفل عرائس الساقية “أم كلثوم تعود من جديد” في حفلتين “بعيد عنك” و”يا مسهرني”، على مسرح الحكمة في ساقية عبد المنعم الصاوي، وسعر التذكرة 15 جنيه للأعضاء و20 لغير الأعضاء.

ننتقل ليوم الجمعة، وحفل شبابي لفرقة أوتوستراد في ساقية عبد المنعم الصاوي، وسعر التذكرة 150 جنيه.

أما لو عاوزين تجربوا حاجة ممتعة ومختلفة يبقى عليكم وعلى حفل فرقة الطنبورة البورسعيدية على المسرح المكشوف في دار الأوبرا المصرية، وسعر التذكرة 35 جنيه.

ولمحبي موسيقى الهارب  فيه حفل عزف الهارب للفنانة منال محيي الدين على المسرح الصغير في دار الأوبرا المصرية. وسعر التذكرة 50 جنيه.

برضه هتلاقوا حفل إنشاد ديني لفرقة أبو شعر السورية على مسرح الجمهورية، وسعر التذكرة 50 -75 جنيه

كمان في رووم هتستضيف الفنانة السودانية آسيا مدني ليلة من الفلكلور السوداني والإيقاعات الإفريقية. والتذكرة بـ 50 جنيه.

ونختم بيوم السبت، حفل أوركسترا القاهرة السيمفوني على المسرح الكبير في دار الأوبرا المصرية ، وأسعار التذاكر : 75 -50-35.

كمان  هيكون فيه الحفلة الثالثة لفرقة مشروع السلم وفرقة أوسو تريو في رووم، وسعر التذكرة 50 جنيه.

خلصت أحداثنا للويك إند لكن تقدروا تتابعوها من خلال أجندتنا اللي بننشر عليها أحداث مختلفة كل يوم على مدار الشهر.

ويك إند سعيد!

 

مقترح