The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: عمرو دياب وكاريوكي وغالية بن علي وحفلات أكتر

أفلام أوبرا حفلات درب1718 دليلك لويك إند سعيد رووم ساقية علي قنديل عمرو دياب غالية بن علي مسرح موسيقى
دليلك لويك إند سعيد: عمرو دياب وكاريوكي وغالية بن علي وحفلات أكتر
    بواسطة
    Cairo 360

    كل أسبوع بنحاول نوفر لكم أفضل الأحداث اللي تخليكم تستمتعوا بكل لحظة من يومكم بدون ملل خاصة في الويك إند.

    ونبدأ بالنهارده يوم الخميس، وحفل ستاند أب كوميدي لعلي قنديل على مسرح قاعة النهر بساقية عبد المنعم الصاوي، وسعر التذكرة 70 جنيه.

    كمان فرقة أسياد الزار هتقدم حفلة زار على مسرح الضمة في عابدين. وسعر التذكرة: 40 جنيه.

    أما صوفي بوك ستور فهيستضيف حفلة غنائية لنوران والفرقة. وسعر التذكرة: 50 جنيه.

    برضه مركز درب 1718 هيستضيف حفلة لمشروع الجيبسي جاز. وسعر التذكرة: 60 جنيه.

    وننتقل ليوم الجمعة، ومفاجأة النجم عمرو دياب اللي هيحيي حفلة غنائية في كايرو فستيفال سيتي مول.

    برضه فيه حفل الفنانة نسمة عبد العزيز على المسرح المكشوف بدار الأوبرا المصرية، وسعر التذكرة 100 جنيه.

    أما رووم آرت سبيس فهي بتدعوكم لحضور ليلة من الأغاني العربية مع نوران أبوطالب وجورج سامر. وسعر التذكرة: 75 جنيه.

    كمان مركز أوزيريس بيدعوكم لحضور العرض المسرحي الفخ، واللي من نتاج ورشة التمثيل.

    ونختم بيوم السبت، والفنانة التونسية غالية بن علي هتقدم حفلة غنائية في كايرو جاز كلوب.

    كمان فيه حفل فرقة كايروكي في قاعة البروج على طريق القاهرة الإسماعيلية في الساقية، وسعر التذكرة 85 جنيه.

    برضه فريق فلامنكا هيقدم حفلة غنائية في رووم آرت سبيس. وسعر التذكرة: 75 جنيه.

    أما لو عاوزين تجربوا حاجة جديدة فمركز درب 1718 بيقدم ورشة الفخار لليوم الواحد للمبتدئين.

    لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.

    ويك إند سعيد.

    مقترح