The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: أجمد الحفلات اللي هتحصل في القاهرة

دليلك لويك إند سعيد: أجمد الحفلات اللي هتحصل في القاهرة
بواسطة
Cairo 360

تقريبًا كلنا مالحقناش نحس بتعب الأسبودع ده. يا دوب نزلنا الشغل يوم الثلاثاء، وهوب لقينا الويك إند وصل. تعالوا ناخد بصة على حفلات الويك إند ده، علشان نعرف هنقضيه إزاي:

نبدأ بالنهارده الخميس، مع حفلة “إسلام الشاعري” وأيمن مبروك في رووم آرت سبيس. الحفلة هتبدأ الساعة 8:30 مساءً. سعر التذكرة: 50 جنيه. فريق “كود مصر” هيحيي حفلة غنائية في علبة ألوان بالزمالك. الحفلة هتبدأ الساعة 8 مساءً. وسعر التذكرة: 50 جنيه. أغاني التراث السوداني هتقدمها فرقة “الرانجو” على مسرح الضمة. الحفلة هتبدأ الساعة 8 مساءً. وسعر التذكرة: 30 جنيه.

نروح ليوم الجمعة، وحفلة للسوبر ستار “محمد حماقي” في جامعة مصر للعلوم التكنولوجيا. الحفلة هتبدأ الساعة 5 مساءً. وسعر التذكرة من 150 لـ 400 جنيه. علبة ألوان في الزمالك هتستضيف حفلة جاز للفنان “آدم ميلر“. الحفلة هتبدأ الساعة 8 مساءً. وسعر التذكرة: 60 جنيه. أما رووم آرت سبيس هيكون فيه حفلة بيحييها “مشروع نار“. الحفلة هتبدأ الساعة 8:30 مساءً. وسعر التذكرة: 50 جنيه.

نختم بيوم السبت، اللي هيكون فيه حفلة غنائية في الجريك كامبس بيحييها الفنان “علي الهلباوي” والشاعر”هشام الجخ”. الحفلة هتبدأ الساعة 9:30 مساءً. وسعر التذكرة: 60 – 100 جنيه. فرقة “التنورة التراثية” هتقد عرض التنورة الصوفي، والموسيقى العشبية في وكالة الغوري. الحفلة هتبدأ الساعة 7:30 مساءً. وسعر التذكرة: 5 جنيه. أما في مركز الربع هيكون في حفلة “فرصتك في الربع“، الخاصة بتقديم كل المواهب المختلفة. الحفلة هتبدأ الساعة 6 مساءً، والدخول مجانًا.

يلا فضوا نفسكم خالص من أي التزامات، واستعدوا لويك إند مليان انبساط.

مقترح