The Definitive Guide to Living in the Capital , Cairo , Egypt

عن الثقافة.. عن الفن.. عن العين اللي بـ تعشق كل جميل.. عن الحب والحرية اللي تعريفاتهم  بقيت بـ تختلف من فرد لآخر..

عن الدنيا.. اللي لما بـ تفهمها بـ تعرف أن مكانها في أيديك مش في قلبك.. عن الحياة.. اللي كل ما بـ تكتشفها تتأكد أنك ما كنتش عايش قبل الاكتشاف الجديد ده..

دليل كايرو 360 بـ يأخدك في جولة مختلفة لمدة ثلاث أيام، في أكثر من حدث فني، النهارده الخميس نبدأ بحفل موسيقى لفرقة المغني خانة بعنوان “الحياة.. الحب.. وأشياء أخرى” في علبة ألوان، وسعر التذكرة 20 جنيه. ولعشاق المسرح فيه عرض مسرحي اسمه “عيش أنت.. أو ضحك السنين” على مسرح ميامي، التذكرة بـ 10 جنيه، والعرض ده مستمر كل يوم ماعدا الثلاثاء لحد يوم 15 سبتمبر. لكن لو عاوز تستمتع بعرض غنائي كوميدي ساخر عندك “فرقة أوسكاريزما” بمركز الربع الثقافي، وسعر التذكرة 10 جنيه.

 أما لمحبي الفن الجميل “فعرض أم كلثوم” رجع ثاني على مسرح الساقية للعرائس مع أغنية “عودت عيني، للصبر حدود”، والتذكرة بـ 15 جنيه لغير الأعضاء و5 جنيه للأعضاء. لكن لو عاوز تسمع موسيقى عربي فلامنكو هـ تلاقي برضه في الساقية في نفس الوقت بس في قاعة النهر، حفلة “لفرقة أميجوز” وسعر التذكرة 25 جنيه لغير الأعضاء و20 جنيه للأعضاء.

ننتقل ليوم الجمعة عندنا مفاجأة لمحبي تشارلي تشابلن، مكتبة صوفي هـ تعرض له “فيلم The kid“، مع عزف الفنان محمد نجله على البيانو بدلًا من موسيقى الفيلم، والتذكرة بـ 10 جنيه.

الجمال والفن والحرفية، دي مصطلحات ما كانش هـ يبقى لها معنى، إلا لما تشوفها بعينك وتلمسها بإيدك، وكل ده هـ تلاقيه في ساقية الصاوي في معرض “تشكيلات بقشرة الخشب” بقاعة الكلمة، واللي هـ يستمر للسبت 9 سبتمبر، والتذكرة بـ 10 جنيه.

ونختم بيوم السبت لو عاوز تجرب حاجة جديدة ومختلفة جدًا، الساقية عاملة “اليوم الواحد لورشة الطبول اليابانية” في قاعة الكلمة، والدعوة عامة.

الـ POP المصري تجربة جديدة لها عشاقها، لو بـ تحب تسمعه “فرقة مشروع شيرين وفريق واصلة” عاملين حفلة بكايرو جاز كلوب، يا ريت تحجز قبل ما تروح وتأخذ بالك برضه أن الدخول للأزواج فقط، وغير مسموح بالدخول لأقل من 25 سنة. ولنفس مغنية فرقة مشروع شيرين “عرض الفنانة شيرين عمرو” في مركز بيت الربع. لو أنت متابع حفلات الـ sand show، يبقى اوعى تفوت “حفلة الـ sand show” اللي في الساقية، والتذكرة بـ 25 جنيه.

آخر حاجة معانا “حفلة أوركسترا القاهرة السيمفوني” بدار الأوبرا المصرية، اللي بـ تقدم مقطوعات كلاسيكية مميزة.

لو عاوز تعرف أكثر عن الأحداث اللي في الأسبوع شوف الأجندة بتاعتنا.