The Definitive Guide to Living in the Capital , Cairo , Egypt

الحياة في كايرو

فيهم حكايات المدينة.. أجمد 8 متاحف تاريخية في القاهرة

أفضل متاحف القاهرة تاريخ القاهرة خريطة متاحف القاهرة متاحف تاريخية في القاهرة متاحف تاريخية في مصر
فيهم حكايات المدينة.. أجمد 8 متاحف تاريخية في القاهرة
    بواسطة
    Mohamed Talaat

    بين عظمة التاريخ في قاهرة المعز والقاهرة الخديوية، بتتميز العاصمة بوجود أجمل المتاحف العريقة اللي بتحكي تاريخ مدينتنا المفضلة وحضارتها على مر السنين. في الموضوع ده هنعرفكم على أفضل متاحف هتلاقوا فيهم تاريخ القاهرة وحكاياتها المدهشة.

     

    المتحف القبطي

    تم إنشاء المتحف القبطي سنة 1910، وبيقع بالقرب من مجموعة الكنائس في مصر القديمة، وبيعتبر المتحف ده أكبر متحف في العالم للآثار القبطية، وبيضم مجموعة من أروع نماذج الفنون القبطية.

     

    المتحف الحربي المصري بالقلعة

    بيعد من أكبر وأعظم المتاحف العسكرية فى العالم، وبيضم كتير من المزارات زي: مسجد السلطان قلاوون وجامع محمد علي وقصر الجوهرة وجامع سارية الجبل ومتحف الركايب ومتحف الشرطة ومتحف المضبوطات ومتحف الآثار الإسلامية.

     

    قصر عابدين

    قصر عابدين بيعتبر أشهر القصور المصرية وشهد كتير من الأحداث المهمة، من العهد الملكي ولحد ثورة يوليو 1952، وبيحتوي القصر على مكتبة بتضم 55 آلف كتاب وعلشان كده أصبح من أهم المتاحف في القاهرة لمشاهدة وقراءة التاريخ الموجود في جدران القصر. 

     

    متحف الفن الإسلامي

    بيعتبر من أكبر المتاحف الإسلامية في العالم كله، وبيضم مجموعات متنوعة من الفنون الإسلامية من تاريخ القاهرة، ومن أماكن تانية زي الهند والصين وإيران والجزيرة العربية والشام وشمال أفريقيا والأندلس.

     

    متحف السكة الحديد

    تم إنشاء المتحف  في سنة 1932، وبيقع في ميدان رمسيس، وبيحكي قصة القطارات ووسائل المواصلات في مصر بشكل عام وفي القاهرة بشكل خاص.

     

    متحف كلية طب قصر العيني

    متحف كلية طب قصر العيني أو متحف القصر العيني، هو متحف تاريخي طبي في القاهرة بيحكي تاريخ الطب عند عند قدماء المصريين ولحد الطب الحديث.

     

    متحف الفن المصري الحديث

    متحف الفن المصري الحديث الموجود في دار الأوبرا المصرية في الزمالك بيعرض  مجموعة من اللوحات والأعمال النحتية المعاصرة لفناني مصر على مر العصور.

     

    متحف المركبات الملكية

    بيقع المتحف في منطقة بولاق أبو العلا، وتم إنشاءه على يد الخديوي إسماعيل ما بين عامي 1863 و1879 ميلادي، وبيضم المتحف عدد كبير من العربيات الملكية اللي كانت بتمشي في شوارع القاهرة زمان.

    مقترح