The Definitive Guide to Living in the Capital , Cairo , Egypt

الحياة في كايرو

“نظافة القاهرة”: مرتب عامل النظافة بيوصل لـ 3000 جنيه وكل اللي محتاجه هو التقدير والابتسامة

أخبار القاهرة راتب عامل النظافة عمال النظافة نظافة القاهرة
“نظافة القاهرة”: مرتب عامل النظافة بيوصل لـ 3000 جنيه وكل اللي محتاجه هو التقدير والابتسامة
    بواسطة
    Mohamed Talaat

    وضح اللواء إيهاب الشرشابي رئيس مجلس إدارة هيئة النظافة والتجميل بالقاهرة، مؤخرًا، إن عامل النظافة موظف بالدولة وله مكافآت وعلاوات، ورتبه بيوصل شهريًا لـ 3000 جنيه، وأضاف إن فيه بعض الأفراد بيمتهنوا مهنة التسول من خلال ملابس عمال النظافة، لكنهم مش عمال نظافة حقيقيين.

    وفي مداخلته يوم الأحد، عبر برنامج 90 دقيقة، اللي بتقدمه الإعلامية بسمة وهبة على فضائية المحور، طالب “الشرشابي” المواطنين، بالتواصل مع الهيئة والإبلاغ عن أي مخالفات أو شكاوى بالاتصال تخص أي متسول بيرتدي ملابس عمال النظافة على الخط الساخن 15264.

    وبحسب كلام رئيس مجلس إدارة هيئة النظافة والتجميل بالقاهرة، أي متسول بملابس عمال النظافة، مابيكونش تابع بشكل حقيقي للهيئة.

    وأوضح “الشرشابي”: “اتأكدنا من إن بعض الناس بيستخدموا زي عامل النظافة لممارسة التسول”، وأكد إن محافظ القاهرة ألقى بنفسه القبض على متسول بملابس عمال النظافة وسلمه لقسم الشرطة.

     وأكد اللواء إيهاب الشرشابي إن عمال الهيئة مش محتاجين لمد أيديهم، لكنهم محتاجين بس للتقدير المعنوي من المواطنين، والابتسامة في وجوههم، والمساعدة بعدم إلقاء أي مخلفات على الأرض.

    مقترح