The Definitive Guide to Living in the Capital , Cairo , Egypt

خبر ممكن يكون مفرح لسكان القاهرة اللي نفسهم يلاقوا تاكسي نضيف ومحترم، أخيرًا شركة Careem دخلت التاكسي الأبيض ضمن منظومتها داخل مصر، والكلام ده بدأ رسميًا خلاص وهيتم بالتدريج.

علشان تخوض التجربة دي مطلوب منك تحدث تطبيق Careem على تليفونك، وقتها هيبقى ممكن أنك تختار خدمة التاكسي الأبيض وأنت بتقوم بالطلب من خلال التطبيق.

الجميل أن الشركة عملت اختبارات لكل السواقين قبل انضمامهم للخدمة، وأهمها تحليل مخدرات للتأكد أن السواق شخص مسئول.

الخدمة لحد الآن متاحة في القاهرة بس، بس الشركة بتقول أنها هتوفرها في محافظات تانية قريب.

وبحسب بيان للشركة فعدد السواقين اللي تم تدريبهم وصل لـ 100 سواق، وتم تأهليهم كويس علشان يبقوا ضمن كباتن كريم، وحاليًا بيتم تدريب أعداد أكبر، على كيفية خدمة العملاء بالشكل الأمثل.