The Definitive Guide to Living in the Capital , Cairo , Egypt

ومين في القاهرة ما بيستخدمش كوبري أكتوبر علشان يوصل لمصالحه؟ الكوبري المهم أصبح طريق أساسي لملايين المصريين، لكن فيه أخبار خرجت من الإدارة العامة لمرور القاهرة تتعلق بالكوبري ده، تعالوا نعرفها مع بعض.

الإدارة العامة لمرور القاهرة أصدرت بيان رسمي وصل لكايرو 360 نسخة منه، بيؤكد أن شركة المقاولون العرب هتبدأ من النهارده أعمال إحلال وتجديد لفواصل كوبري أكتوبر، أعمال الصيانة هتكون بداية من الاتجاه الجاي من مدينة نصر إلى الجيزة، ومواعيد الصيانة دي هتكون من الساعة 12 ليل الخميس، ولحد الساعة 6 صباح يوم الأحد كل أسبوع في الفترة من 4 أغسطس وحتى 21 أغسطس 2016.

وهل هيتم إغلاق الكوبري كله في الفترة دي؟

 لأ طبعًا الكوبري هيفضل شغال عادي لأن المسافة اللي هييتم إصلاح الفواصل فيها 5 أمتار بس من حارة واحدة.

ودي شوية معلومات عن كوبري أكتوبر:

الكوبري بيمتد من المتحف الزراعي في الدقي بمحافظة الجيزة وبيوصل لحد طريق النصر في مدينة نصر بالقاهرة، وبيمر في رحلته بالزمالك وبميدان التحرير وبعده ميدان رمسيس وطول الكوبري 20.5 كم.