The Definitive Guide to Living in the Capital , Cairo , Egypt

لو نفسك في تجربة خروج مختلفة وممتعة ومفيدة، زيارة المحميات الطبيعية في القاهرة هي الحل. هتتعرف على حكايات مدهشة عن التاريخ والزمن والحياة على الأرض، وتشوف أماكن فيها أثر جيولوجي وحيواني نادر. في المقال ده هنعرضلك محميتين مهمين تستحقوا الزيارة: الغابة المتحجرة ووادي دجلة.

محمية الغابة المتحجرة

هتلاقوا في محمية الغابة المتحجرة على أطراف المعادي بقايا وجذوع وسيقان أشجار ضخمة متحجرة، واخدة شكل قطع صخرية بتتراوح أبعادها من سنتيمترات إلى عدة أمتار، وبتتجمع مع بعضها على شكل غابة متحجرة.

بيقول العلماء إن تكوين الغابة المتحجرة بالمعادي سببه أن أحد أفرع نهر النيل القديم في العصور الجيولوجية السحيقة، حمل الأشجار دي إلى مسافات طويلة وألقاها في المكان ده لحد ما “تحجرت” .

العنوان: المحمية على بعد حوالي 18 كيلو متر شرق حي المعادي، وبالتحديد في مدينة القاهرة الجديدة (التجمع الخامس).

محمية وادي دجلة

بيعتبر وادي دجلة من الأودية الهامة اللي بتمتد من الشرق إلى الغرب بطول حوالي 30 كم، وبيمر بصخور الحجر الجيري اللي ترسب في البيئة البحرية خلال العصر الأيوسيني بالصحراء الشرقية (بنتكلم عن 60 مليون سنة يا جماعة!). علشان كده هي غنية بالحفريات.

بيضم الوادي مجموعة من الكائنات الحية الحيوانية منها أنواع من الثدييات مثل زي، الغزلان، التياتل، الأرانب الجبلية، الثعلب الأحمر، الفأر ريشي الذيل، البيوض، الفأر أبو شوك، الخفاش أبو ذيل وغيرها، ومن الحشرات، الرعاش، أبو العيد، فراش النمر، أسد النمل وأنواع أكتر، كمان تم تسجيل 18 نوع من الزواحف.

بيقول العلماء إن مياه الأمطار اللي بتتساقط من الشلالات المائية، أثرت على صخور الحجر الجيري على مر العصور لحد ما كونت ما يسمى دجلة كانيون، واللي بيشبه إلى حد ما “جراند كانيون” بالولايات المتحدة الأمريكية.

العنوان: المحمية موجودة في زهراء المعادي، على بعد حوالي 5 كم من الأوتوستراد.