The Definitive Guide to Living in the Capital , Cairo , Egypt

تسوق

بالصور والأسعار: لو عاوز تشتري فانوس من منطقة السيدة زينب

اسعار الفوانيس السيدة زينب بوجي وطمطم للبيع ديكورات رمضان سعر فانوس رمضان شراء فانوس نصائح لشراء فانوس
بالصور والأسعار: لو عاوز تشتري فانوس من منطقة السيدة زينب
بواسطة
Nagla Ashraf

كل سنة جنب مسجد السيدة زينب بتتنصب الخيم وبيتنافس البياعين في بيع فوانيس رمضان بأسعار مختلفة، وبطبيعتة الحال الأسعار زادت عن السنة اللي فاتت، زي كل حاجة في البلد.

الشارع اللي جنب المسجد بيبدأ من جنب محطة مترو السيدة زينب ولحد المسجد نفسه أو الميدان، أكبر الخيم وأفضلهم بيكونوا جنب المسجد من الأول وبنبدأ نقل في الأسعار والجودة كل ما قربنا من ناحية محطة السيدة زينب.

لو هنتكلم عن الفوانيس الصغير الخشب المادليات فدي الثلاثة منها بـ 10 جنيه، والأكبر منها حبة بـ 5 جنيه وبعدين بـ 15 جنيه الواحد، لحد 35 و50 للكبار اللي معمولين من الخشب والبلاستيك الملون وفيهم صوت أغاني رمضان التراثية.

الفانوس العادي بالحجم المتوسط اللي بيبقى مزين بفصوص ملونة ولونه أبيض أو نحاسي بقى بـ 150 جنيه، وطبعًا كل ما الحجم كبر كل ما التمن زاد.

أما الأصغر منه شوية قد كف الإيد فبـ 65 جنيه بس.

لكن لو هنتكلم عن الفوانيس المصري فظهرت منها أشكال جديدة غير الأشكال المعروفة بـ 15 جنيه و 35 جنيه على حسب الحجم.

لكن لو هنتكلم عن الحاجات اللي لفتت نظرنا، فنحب نقول إن محمد صلاح مكتسح زينة رمضان، لفت نظرنا فانوس كبير ب 225 جنيه.

غير الماجات اللي الواحد فيهم بـ 35 جنيه.

بس الجديد فعلًا كان مفرش السفرة لزينة رمضان وكان بـ 25 جنيه بس.

كمان فيه كمان عرائس للأطفال بس أسعارهم غالية شوية يعني طمطم بـ 120 جنيه.

بوجي بـ 100 جنيه.

والعروسة العادية بـ 150 جنيه.

إحنا شخصيًا بنميل للفوانيس المصرية التقليدية واللي أشكالها ورسوماتها بتعبر عن تراثنا لكن في الآخر الشراء أذواق.

وكل سنة وأنتم طيبين!

مقترح