The Definitive Guide to Living in the Capital , Cairo , Egypt

تسوق
بوز – Pause

بوز: كارديجان طويلة بألوان مختلفة وأسعار مناسبة في المعادي

  • داخل معادي جراند مول
  • ملابس حريمي
تم التقييم بواسطة
Nagla Ashraf
قيم
قيم الآن
بوز: كارديجان طويلة بألوان مختلفة وأسعار مناسبة في المعادي

مش أي مكان في جراند مول المعادي بـ نلاقي عنده الحاجات اللي بـ تناسب ذوقنا، واللي في الأغلب بـ تكون حاجات طويلة تناسب المحجبات، سواء كانت كارديجان أو بلوزات طويلة أو حتى سويت شيرت، وكل ده كان موجود في بوز – Pause.

دي مش أول مرة ندخل المحل لأننا بـ نروح له كثير أول لما نكون بـ ندور على حاجة حلوة بسعر معقول، خاصة أنه على طول بيستورد الحاجات بتاعته من تركيا ودول ثانية، وأغلب الحاجات عنده بتبقى من 200 لـ 300 جنيه، مافيش مبالغة في الأسعار يعنى، بس أكثر حاجة أسعدتنا في زيارتنا الأخيرة هي كانت الكارديجان، كان فيه حوالي 2 ستاند كبار عليهم مجموعة متنوعة من الكارديجان سعر الواحد فيهم 265 جنيه، وفيه منهم السادة خالص أو اللي عليه زخرفة، عجبنا واحد بكابيشو وعليه زخرفة بني مربعات، وواحد ثاني طويل وخامته ثقيلة مخطط عريض، ولونه أبيض في بني غامق، وستايل ثاني مختلف أنه كله يبقى لون واحد ونقط بدوائر كبيرة بيضاء، وكان فيه منه لون واحد اللي هو البيج، ده غير الكارديجان الصوف السادة اللي بـ يدفي جدًا وفيه منه أبيض سادة وبيج ودرجة ما بين البني والبرتقالي.

برضه كان عنده مجوعة حلوة أوي من البنطلونات الجينز السكيني والأستريت فاتح وغامق ومقطع وأسود، فيه منها كل المقاسات، والواحد فيه بحوالي 250 جنيه، أما أكثر حاجة عجبتنا كان تخفيض على الجاكيتات الكات الـ Forure بـ (125 جنيه) والجلد (150 جنيه) وطبعًا المعروف عن أسعار الحاجات دي أنها بـ 300 وبـ 400 جنيه.

كان فيه مجموعة جاكيتات جلد كبيرة سواء ببادج على الأيد لونها مختلف أو عادية تبدأ أسعارها من 350 جنيه، غير السويت شيريتات والبلوزات الطويلة اللي كان فيه منها كثير سادة أو مخططة، عجبنا منها واحدة سادة خالص بيج بحوالي 250 جنيه وطولها لحد الركبة.

بوز بـ يستورد دائمًا حاجته من بره مصر، أغلب الحاجة، ودائمًا بيبهجنا بموديلاته وأسعاره، جربوا تعدوا عليه.

نصيحة 360

الحقوا الخصم اللي هو عامله على بعض الحاجات.

أحسن حاجة

جودة الحاجة وأسعارها.

أسوأ حاجة

ساعات بيبقى فيه بعض القطع غالية شوية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح