The Definitive Guide to Living in the Capital , Cairo , Egypt

تسوق
جيس – Guess

جس: الجودة لها سعرها فى كايرو فيستيفال سيتى مول

  • داخل كايرو فيستيفال سيتي
  • إكسسوارات
  • 10 صباحًا - 11 مساءً -
تم التقييم بواسطة
Aliaa Serry
قيم
قيم الآن
جس: الجودة لها سعرها فى كايرو فيستيفال سيتى مول

لما يكون المطلوب هو البحث عن الملابس اليومية فى محلات القاهرة بعددها المهول، معظمنا بـ يروح على المحلات التجارية العادية لأسباب تتعلق بالراحة وطبعًا الفلوس. من وقت للثانى، الواحد مننا لازم يدلع نفسه بشوية حاجات من ماركات مشهورة.

فى الدور الثانى من كايرو فيستيفال سيتى “جس – Guess” بـ يقدم ملابس فخمة بالإضافة إلى إكسسوارات رجالى وحريمى. أول ما تدخل المحل، هـ تشوف شاشة بـ تعرض أحدث خطوط الموضة من جس.

لما ركزنا مع المعروض فى المحل، اكتشفنا أن الواحد يقدر يجمع طقم كامل من عندهم، من الأحذية وشنط اليد لغاية بنطلونات، تي شيرتات وفساتين ووصولاً للساعات وحتى ميداليات المفاتيح، جس بـ يقدم كل ده وأكثر.

الأرفف الضخمة اللى بـ تعرض مجموعة من شنط اليد بكل الأشكال والأحجام قدرت تشدنا لها أول ما دخلنا. من بين شنط كبيرة بشكل معقول (1300: 1400 جنيه) لشنط بإبزيم صغيرة وعملية، تقدرى بكل سهولة تلاقى شنطة تلائم أى مناسبة أو ذوق. بجانب شنط اليد مباشرة كان عرض الساعات، ونفس الكلام مع الشنط، كان معروض ساعات بكل الأشكال والأحجام بشكل منظم على الأرفف الزجاجية. ساعة فضى صغيرة (1365 جنيه) قدرت تشد انتباهنا.

قسم الإكسسوارات كمان يشمل مجموعة أحذية شوية منهم بكعب عالى ووصولاً لأحذية بوت متينة؛ عجبنا بوت لونه بنى خفيف بكعب قصير ويزينه قطع معدنية (1300 جنيه). محطتنا التالية كانت عرض المحافظ، اللى صحيح كان محدود، لكن فى نفس الوقت مناسب، وكان لازم نقع فى غرام مجموعتهم الجديدة من محافظ كبيرة بسوستة (500 جنيه) بدرجات ألوان منها الرقيق ومنها التقليدى.

بصعوبة شديدة قدرنا نترك قسم الإكسسوارات اللامعة وروحنا على أرفف الملابس، ومن وقت للثانى نقف علشان نبدى إعجابنا بقطعة أو أكثر من بين المعروض. لاحظنا تي شيرتات حريمى (330 جنيه)، وكمان تي شيرتات رجالى (440 جنيه)، لكن مافيش حاجة مميزة منهم. الفساتين القصيرة يستحقوا تشوفهم، بتفصيلهم المميز وجودة خامتهم العالية. كان مستحيل نترك فستان أنيق بلون ورق النعناع يعتبر مثال حى على الأناقة (825 جنيه).

الموظفين فى المحل كانوا بـ يساعدونا طوال الوقت، وعرضوا يخرجوا أى محفظة أو ساعة تعجبنا من العرض علشان نشوفهم كويس، وكمان عرفنا منهم أسعار المعروضات، دى كانت النقطة المضيئة وسط الأسعار المرتفعة جدًا.

نصيحة 360

المحل بـ يوفر إمكانية تغليف الهدايا من العطور والكريمات، وكده يكون عندك اختيار هائل لشراء هدايا تنفع لمناسبات متعددة.

أحسن حاجة

الجودة الممتازة للملابس والإكسسوارات.

أسوأ حاجة

كان صعب نصدق بعض الأسعار المكتوبة على المعروضات.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح