The Definitive Guide to Living in the Capital , Cairo , Egypt

تسوق
كوتون بيبول أورجنيك – Cotton People Organic

كوتون بيبول أورجانيك: ملابس أطفال ومواد غذائية بمكونات صحية في المعادي

  • شارع 206، منطقة دجلة
  • أكل جورميه
تم التقييم بواسطة
Waleed Abuarab
قيم
قيم الآن
كوتون بيبول أورجانيك: ملابس أطفال ومواد غذائية بمكونات صحية في المعادي

نوع مميز من المحلات مش بـ نلاقي زيه كل يوم ولا في أي حتة، ومع ذلك «كوتون بيبول- Cotton People» له فروع في هليوبوليس ومدينة نصر والمهندسين والمعادي، وكانت زيارتنا لفرع المعادي اللي بـ يحمل اسم “البيت الصحي” والموجود في شارع 206 في منطقة دجلة، بالتحديد نهاية دجلة وأنت رايح ناحية جراند مول، وشوفنا فرع ثاني له في المعادي في شارع 231 في منطقة دجلة برضه مكتوب عليه “بيو شوب – Bio Shop”.

المنتجات مقسمة لنوعين في الداخل، مواد غذائية أورجانك (أو من مواد عضوية) خاصة للأطفال ووصفات أورجانك لعلاج الأطفال من البرد والحساسية وسوء التغذية وغيرها من الأعراض، والجديد هنا أن الوصفات مكتوبة ومطبوعة لاستشارة الطبيب قبل الاستخدام وكل المواد نباتات طبيعية، وده بالنسبة لقسم الأغذية أو المأكولات.

أما نصف المحل الثاني فهو الجديد علينا تمامًا، فيه ملابس أورجانك، أول ما دخلنا المحل استغربنا جدًا كلمة “ملابس أورجانك” لكن بعد ما شوفنا خامات ملابس الأطفال من سن حديث الولادة وحتى 10 سنوات عرفنا المقصود بالكلمة وخاصة بعد ما شوفنا تجارب لاستخدام النوع ده من الملابس والخامات، وبعد ما عرفنا أن ألوانها الطبيعية دي مش بـ تتغير بعد الغسيل ولا شكل الملابس بـ يتغير. وبالنسبة للأسعار فهي حلوة جدًا؛ تقريبًا زي أي محل ملابس أطفال وخصوصًا ملابس حديثي الولادة، أسعارها مناسبة والأطفال اللي سنهم أكبر من 6 شهور لسنة لهم ملابس خروج وبيت لكن السن الأكبر من سنة له لبس بيت بس، كله قطن 100% وألوانه طبيعية. أسعار البيجامات بـ تتراوح بين 50 لحد 75 جنيه، حسب الموديل والمقاس وكوڤرتات للبيبيهات بـ 49 جنيه و60 جنيه و75 جنيه طبعًا حسب الموديل لكن الخامات كلها واحدة. فيه جميع مستلزمات الطفل اللي ممكن تستخدمها الأمهات وكلها من مواد عضوية صحية وتصميماتها هايلة وشيك جدًا.

المسؤول عن المكان استقبلنا بترحاب كبير وعرفنا على كل المنتجات وشرح لنا كل الوصفات الموجودة للأغذية وتفاصيل معنى وفكرة أورجانك للملابس، وعرض لنا كل المنتجات الموجودة اللي تخص السن اللي كنا عاوزينه وعرفنا الموديلات اللي لسه هـ تتعرض الفترة القادمة، أكيد هـ تحبوا «كوتون بيببول» وفكرته، وفي انتظار أن الفكرة تتعمم ونشوفها أكثر في محلات القاهرة، وياريت تشوفوا الموقع الرسمي للمحل على الإنترنت.

نصيحة 360

قبل استخدام أي من المنتجات الغذائية للطفل يفضل استشارة الطبيب المختص حتى لو كانت منتجات "أورجانيك".

أحسن حاجة

موديلات الملابس رائعة وكثيرة وتناسب جميع الأذواق والأهم أن أسعارها مناسبة.

أسوأ حاجة

مساحة المحل وأماكن عرض المنتجات صغيرة جدًا.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح