The Definitive Guide to Living in the Capital , Cairo , Egypt

أحلى مسا

أحلى مسا: فيفى وهشام وسلمى على قناة mbc مصر

  • مسابقات
  • من الآن
تم التقييم بواسطة
Rasha Zeidan
قيم
قيم الآن
أحلى مسا: فيفى وهشام وسلمى على قناة mbc مصر

هشام عباس مطرب مصرى متميز جدًا اشتغل فى هندسة الصوت أيام الثمانينات ولما تعرف على صانع الموسيقى العصرية الفنان حميد الشاعري دخل مجال الغناء وأبدع كثير من الأغاني الجميلة واللى شهره أغنية “حلال عليك” مع حميد الشاعرى.. قال عن البرنامج أنه هـ يكون تجربة ممتعة خاصة أنه أول مرة يقدم برنامج وهـ يوفر حالة فنية على الشاشة، وأنه فرحان لوجوده مع الفنانة فيفى عبده لأنها مرحة وفيها الروح المصرية الأصيلة.

فيفى عبده راقصة وممثلة من مواليد محافظة المنوفية، والدها ضابط.. بدأت حياتها راقصة فنون شعبية بفرقة عاكف، ظهرت للمرة الأولى في السينما فى فيلم “الرسالة” وكانت طالعة بدور الراقصة عام 1976 وكانت شهرتها في فيلم “امرأة واحدة لا تكفي”، واشتغلت فى السينما والمسرح والتليفزيون.. ومن مسرحيتها “شباب امرأة” عام 1979.. قالت عن البرنامج أنه منوعات وهـ يخليها تتواصل مع طبقات مختلفة من المشاهدين اللى هـ يتواصلوا مع البرنامج لأنه مليان مفاجآت.

سلمى الدالى مذيعة مصرية من مواليد محافظة السويس.. تخرجت فى كلية الإعلام وحصلت على درجة الماجيستير من الولايات المتحدة الأمريكية، وفي الوقت ده سجلت عدد من الفيديوهات الكوميدية على اليوتيوب، وكانت محاكاة ساخرة للحياة السياسية في مصر بعنوان “انتخبوا سلمى الدالي لرئاسة الجمهورية، رمز البطة” وده كان قبل ثورة يناير 2011.. وبعدين قدمت برنامج “المستشارة” على دريم ونجح البرنامج.. وقالت أنها محظوظة لأنها هـ تشارك هشام عباس وفيفى عبده التجربة دى.

وتقابلوا الثلاثة على قناة mbc  مصر علشان يعملوا برنامج “أحلى مسا” والبرنامج صراحة لازم نقف أمامه شوية، من ناحية أنه مختلف فهو مختلف مافيش كلام فى ده.. لازم نقول أنه مختلف.. الفكرة بقى أن فيه ناس كثير هاجموه وقالوا عليه كلام مش لطيف.. خاصة الفنان “عبد الله مشرف” اللى وجه رسائل ساخرة لوزير الإعلام علشان مش عاجبه البرنامج.. ده غير الناس اللى تكلمت عن أن هشام عباس وفيفى عبده مش قوى فى التمثيل.. لكن البرنامج فيه فكرة وعاوز يقول حاجة برضه ما نقدرش ننكر ده.

البرنامج من نوع المنوعات بـ يقدم سهرة يومية متنوعة بـ تجمع بين الفن والدراما والمسابقات اللى بـ تتعمل يوميًا وبـ توفر الفرصة للمشاهدين علشان يفوزوا بجوائز مالية يومية قيمتها 100 ألف جنيه، وكمان البرنامج بـ يهتم بمناقشة اهتمامات الأسرة المصرية في إطار اجتماعى جذاب ومرح، ومن المبدعين اللى كانوا ضيوف البرنامج: حمادة هلال، وحميد الشاعرى، ومى عز الدين، وأوكا وأورتيجا وشحتة، وعبد الباسط حمودة، وممدوح فرج.

يعنى البرنامج بـ يحاول يعمل حالة مختلفة ويقدم مسابقات ومنوعات كثير وتصويره جيد والديكور مبالغ فيه شوية.. بس عادى يعنى الموضوع يستحق.. ابقوا تفرجوا عليه وقولوا لنا رأيكم!

عجبك ؟ جرب

"عيش صح" مع هبة الجارحي.

نصيحة 360

البرنامج تقديم هشام عباس، وفيفى عبده، وسلمى الدالى، وإخراج سمر عقروق، يعرض على قناةmbc  مصر من الأحد إلى الأربعاء 11:30 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح