-
رويدا طاهر
-
طبخ
-
من الآن
-
أحمد نصرأحمد نصر
Rasha Zeidan
الجواب باين من عنوانه: "أكلات"، طريقة وفن الطهى على أصوله من غير إصراف أو تبذير وعلى طريقة أشهر المطاعم والفنادق وهو ده شعار البرنامج، كُل اللى نفسك فيه بس على قد ميزانيتك.. وعلشان كل أكلة ولها حدوتها، كان لازم من وجود حكايات علشان الدماغ مش هـ تطلع بره الأكلة.
الشيف رويدا طاهر بطلِّتها المشرقة بـ نعرف أنها مش أول طلة لها هي اشتغلت فى المجال نفسه على عدة قنوات أخرى منهم صدى البلد ودريم.. رويدا معروف عنها خبراتها فى مجالات كثيرة منها نصائح بخصوص جمال البشرة والشعر والريجيم والتغذية الصحيحة.. واللى بـ تقدمها لجمهورها بكل حب.
كمان رويدا متبنية فكرة الاهتمام بالكيف مش الكم، يعنى مش هـ تعمل أصناف كثيرة فى الحلقة علشان المهم أننا نستفيد من المعلومات اللي تعلمناها مع الضيوف المميزين لها.. وده هو الأهم.
مش هـ ننسى مساعد الشيف "الذراع اليمين" الشيف عبدالرحمن اللى قدمته رويدا بكل احترام وتقدير وقالت عليه أنه شريكها فى العمل ودي حاجة تستحق الاحترام كثير من الشيفات بـ يتجاهلها أو بـ ينساها.
البرنامج كمان محضر مفاجآت للعرايس، لكن زي ما قالت الشيف مش هـ نحرقها لكن انتظروها قريبًا، كمان رويدا بـ تساعدنا أننا نعرف أسرار أكبر الفنادق والمطاعم الغالية بدون وجه حق، وعلشان المثل بـ يقول "إدي العيش لخبازه"… ولتطبيق المقولة اللي فاتت فى البرنامج هـ يستضيف شيفات متخصصين فى المعجنات والحلويات زي الشيف سامح خضير.
شكل المطبخ عادى لكن واضح جدًا فيه لمسة سامر الجمال مهندس الديكور اللى اهتم بإبراز كل تفاصيل المطبخ، لو تكلمنا عن عدسة مخرج العمل أحمد نصر وسمح لنا نعطي له درجة هـ تكون 10/ 10 هو على وعي كامل بحركة الكاميرا بـ تروح فين وبـ تيجي منين وإمتى يركز على الطبخة وإمتى على الشيف والمطبخ بشكل عام.