The Definitive Guide to Living in the Capital , Cairo , Egypt

تليفزيون
أنت حر

أنت حر: دقيقة سكوت لله على قناة cbc Two

  • توك شو
  • من الآن
تم التقييم بواسطة
Rasha Zeidan
قيم
قيم الآن
أنت حر: دقيقة سكوت لله على قناة cbc Two

اتفرج أو غير المحطة.. أنت حر، فاصل جديد مش متعودين عليه فى البرامج اللى أغلبها بـ تقول لك: “اوعى تغير المحطة”.. “خليك معانا”.. “استنونا”.. “فاصل ونواصل”.. “راجعين على طول”، لكن د. مدحت العدل قرر يغير الواقع المتعارف عليه بفاصل للبرنامج يقول فكرة البرنامج كله “أنت حر” علشان يكون اسم على مسمى.

دكتور مدحت العدل كاتب سيناريو وشاعر وطبيب مصري شهير عمل عدد كبير من الأعمال التليفزيونية والسينمائية المشهورة زى الديلر ومافيا واوعى وشك وشورت وفانلة وكاب.

الجميل فى البرنامج هو قدرة العدل على إدارة الحوار والوصول لشيء فى النهاية، الوصول لرأى أو معلومة يستفيد منها المشاهد وفى النهاية أنت حر تقتنع بالرأى ده أو تحتفظ برأيك، ديكور البرنامج معبر عن البساطة اللى بـ تبعد عن زحمة النظر، يعنى تعطيك إحساس بالهدوء، عبارة عن مكتب نصف دائرة والكراسى حوله.

فى حلقة من الحلقات استضاف العدل “رنا سماحة” وكان خط سير الحلقة عبارة عن مجموعة أسئلة أغلبها من الجمهور لرنا ومن العدل لها عن آمالها وطموحاتها وعن خطتها لمستقبلها.. وتماشيًا مع خط الحلقة كان السؤال الكبير للناس واللى شايفين أنه مهم جدًا وبـ يلمس الشباب.

 

السؤال:

هل بـ تلاقى حريتك فى “السوشيال ميديا” عن الحياة الواقعية؟

وده سؤال لكم يا قارئى الموضوع بـ تلاقوا حريتكم فين يا ترى؟

البرنامج ممكن تحس فيه حاجة تحسسك بالملل شوية، لأنه خط واحد طوال الحلقة، وفقرة واحدة طويلة والموضوع واحد طوال الحلقة يعنى حلقة رنا كلها عن الفن، حلقة كابتن ميدو كلها عن الرياضة، والجميل أنه بـ يعمل تواصل مع الجمهور وبـ يقرأ اللى بـ يتكتب على الفيسبوك وتويتر.

وطبعًا لازم نحمد ربنا أنه مش برنامج سياسى، علشان بجد تعبنا من كثر برامج السياسة.. والمقولة اللى بـ يرددها دائمًا مدحت العدل: “دماغنا وجعنا.. دقيقة سكوت لله”.

البرنامج بـ يدعم فكرة الحرية بكل طاقته عن طريق كذا حاجة منها اسم البرنامج اللى شايفين أنه هائل ومحتاجينه جدًا فى الفترة دى، وكمان ترديده لفكرة الحرية دائمًا وسعيه لها، وكمان فى كلامه مع ضيوفه بـ يحاول يوصل لهم حاجة زى التوجيه للغنا عن الحرية والتمرد والحق.

عجبك ؟ جرب

برنامج "وحدك" على قناة النهار.

نصيحة 360

أنت حر برنامج حواري بـ يعرض الخميس والجمعة والسبت 8 مساءً على قناة cbc Two من تقديم  د. مدحت العدل، وإخراج محمد فكرى.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح