The Definitive Guide to Living in the Capital , Cairo , Egypt

تليفزيون
البلاتوه

البلاتوه: برنامج جامد على قناة النهار

  • أحمد أمين
  • كوميدي
  • من الآن
  • أحمد خالدأحمد خالد
تم التقييم بواسطة
Ahmed Abd El Gawad
قيم
قيم الآن
البلاتوه: برنامج جامد على قناة النهار

اضحك:

لو عاوز تضحك من قلبك بجد.. اتفرج على البلاتوه، باسم يوسف باعتباره أسطورة الكوميديا فى البرامج يرجع من جديد.. آه بجد عدد المشاهدات بيقول كده، التصوير والإنتاج بيقول كده.. أحمد أمين هيكسر الدنيا وهيبقى من أكثر الناس المشهورين قريب جدًا، خدوا مننا بقى اللى جاى.

 

أحمد أمين:

هو ممثل بدأ حياته عادى ما حدش كان عارفه، وبعدين قرر بحاجات بسيطة جدًا كاميرا عادية جدًا وقعد فى مكتبه وكتب السكريبت وبدأ يعمل سلسلة فيديوهات كسرت الدنيا واشتهر أحمد أمين وكل الناس بقيت تتفرج عليه على اليوتيوب نفس بداية باسم يوسف، إلا أنه بجد كان معتمد على نفسه وبس وكان كمان بيعمل الفيديو بنفسه وبيقعد يحفظ فى السكريبت علشان ما يعملش مونتاج للحلقة، بيصورها مرة واحدة.. وطلع فى أغلب القنوات يتكلم عن تجربته.

 

البلاتوه:

ومن جد وجد بجد.. عمل أمين برنامج البلاتوه، اللى قايم على فكرة جديدة جدًا، هو ممثل أغلب الوقت قاعد فى البلاتوه علشان يصور مشاهد من أفلام بقى أو أى حاجة بتتصور، ولازم يعمل حاجة فيها تصوير لمشهد له علاقة بعنوان الحلقة، يعنى عمل حلقة عن الشغل بفكر جديد، وعمل حلقة أمهات علشان عيد الأم، ودى بقى الحلقة اللى كسرت الدنيا، هو البرنامج فيه تقطيع كتير فى المشاهد، يعنى كام مشهد تمثيلى وكام مشهد فى البلاتوه، وكام مشهد بيتكلم فيهم أحمد أمين عن موضوع الحلقة وفى الغالب بيقعد مع شخص قدامه ويكلمه (زى معز مسعود كده فى آخر برنامج له).

 

السكريبت:

السكريبت متعوب فيه جدًا وفيه فريق كتابة بيكتب معاه، وده باين جدًا مع أنه النجم بجد فى البرنامج لكن بيجيب ناس تانية معاه يعنى مش عاوز يشتغل لوحده، هو له حضور قوى على الشاشة، كمان بيعمل مشاهد من أفلام تاريخية بتضحك جدًا، وبيعمل أغانى بشكل جديد.

فيه ناس كتير كانت بتشتغل حلو على السوشيال ميديا ومقطعة نفسها على اليوتيوب، لكنه لما بيعمل شغل في التليفزيون بيبقى موضوع مختلف، من الآخر بيفشل، أما أمين تفوق على نفسه أول ما بقيت معاه إمكانيات عمل برنامج أحلى بكتير من اليوتيوب، وده معناه أننا لو أعطينا الفرصة للموهوبين بجد هيعملوا حاجة جديدة ومهمة والأكيد أنها بتضحك.

البرنامج في النهاية بيناقش قضية وفيه جديد وممتع، يخليك تتفرج عليه وما تزهقش، ودي أهم علامة للبرنامج الناجح أنك ما تبقاش عاوز تقلب القناة من عليه، يعنى مركز معاه، وبتستنى مواعيده، الفكرة أننا نقدر نقول أن دايمًا فيه جديد، فيه حاجة حلوة المهم نعطي الشباب الفرص، وما تبقاش البرامج هما مجموعة ضيوف معروفة ومجموعة مذيعين مشهورين، الشباب لسه فيه أمل.

عجبك ؟ جرب

برنامج "ما يصحش كده".

نصيحة 360

برنامج البلاتوه، تقديم أحمد أمين على قناة النهار، يعرض كل يوم جمعة الساعة 9:30 مساءً، ومن إخراج أحمد خالد.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح