The Definitive Guide to Living in the Capital , Cairo , Egypt

تليفزيون
الصندوق الأسود

الصندوق الأسود: خليه مقفول أحسن على قناة النهار

  • رانيا يوسف – تامر هجرس – أحمد صيام – زكى فطين عبد الوهاب – عايدة رياض.
  • دراما
  • من الآن
  • عادل الأعصرعادل الأعصر
تم التقييم بواسطة
Rasha Zeidan
قيم
قيم الآن
الصندوق الأسود: خليه مقفول أحسن على قناة النهار

داخل كل واحد فينا "صندوق أسود"، الأسرار اللى بـ يخفيها كل شخص بداخله وبـ يرفض التحدث عنها حتى لأقرب الأشخاص إليه وهى دي نفس فكرة المسلسل، من خلال قصة درامية ومعالجة جيدة للسيناريست طارق بركات، يا ترى الصندوق اللى جواك لونه إيه؟ سألت نفسك قبل كده السؤال ده ودورت جواك علشان تعرف الصندوق أسود ولا أبيض؟

ما تتعبش نفسك فى التفكير، برضه جواك صندوق أسود شايل فيه ذكريات وحاجات كلها هـ توديك فى النهاية لطريقين ما لهمش ثالث.. يا خير يا شر.. وأنت وقوتك بقى يا تقفل الصندوق وتختار الخير ويا تسيبه مفتوح وأنت عارف بقى هـ تمشى فين، مش كده ولا إيه؟

نفس الحكاية اللى اتهرست 100 مرة فى التليفزيون والسينما،وهى حكاية البنت الفقيرة الطموحة.. واللى عاوزة تبقى غنية ومشهورة ومعاها فلوس كثير وعربية وساكنة فى فيلا.. ودائمًا بـ نلاقى اللعب على مشاعر الناس فى القصص اللى زى دى.. ما هو أصل كلنا بـ نحب الفلوس وكلنا عاوزين نبقى أغنياء،لكن الفرق بقى فى الطريقة اللى هـ نبقى بها أغنياء، هـ نتعب ونشقى ونتعلم ونتدرب لحد ما نستحق نترقى أو نعمل مشروع مدروس ومع الوقت نبقى مستورين.. أو ربنا يكرمنا ونبقى أغنياء.. ولا هـ نسيب كل اللى فات ونبقى وصوليين أو ندور على طريق غلط ومختصر ونهايته الله أعلم بها.

نرجع للمسلسل.. بـ تدور أحداث "الصندوق الأسود" فى إطار اجتماعى درامى عن تمرد رانيا يوسف"دولت" على طريقة حياة عائلتها المكونة من الأب اللى بـ يشتغل سائق والأم اللى شغالة خادمة فى المنازل،دولت بـ تعتمد على جمالها كوسيلة لمحاولة الهروب من فقرها وتعيش هى وأسرتها فى مستوى أعلى بس بـ تواجهها بعض الصعوبات فى رحلتها، خصوصًا أنها ما عملتش حساب لحياتها الجديدة.

رانيا يوسف فنانة متميزة قدرت خلال السنوات الأخيرة تخلى الجمهور يحبها ويثق فى قدرتها على التمثيل، وبالذات فى مسلسل "موجة حارة"،"نيران صديقة"، وفيلم "واحد صحيح" اللى أخدت فيهجايزة أفضل ممثلة فى المهرجان القومى للسينما المصرية.

أما خالد سرحان فبـ يقوم بشخصية مختلفة وجديدة وهى شخصية "بلطجى" مسجل خطر يحترف الإجرام لكن وجود دولت فى حياته اللى حبها ووقع فى غرامها بـ يتحول من مجرم إلى إنسان صالح وبـ يحب الخير.. المسلسل إخراجه جيد ورؤيته تستحق وديكوره مناسب للحالات الاجتماعية اللى شغال عليها..اتفرجوا عليه وقولوا لنا رأيكم.

عجبك ؟ جرب

مسلسل "جبل الحلال".

نصيحة 360

مسلسل الصندوق الأسود بطولة رانيا يوسف، تامر هجرس، أحمد صيام، زكى فطين عبد الوهاب، وعايدة رياض، ومن تأليف عادل بركات، وإخراج عادل الأعصرعلى قناة النهار يوميًا الساعة 7 مساءً والإعادة الساعة 9 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح