The Definitive Guide to Living in the Capital , Cairo , Egypt

الكلمة الطيبة

الكلمة الطيبة: تأشيرة عبور على قناة ltc

  • كاروين بهاء
  • توك شو
  • من الآن
تم التقييم بواسطة
Rasha Zeidan
قيم
قيم الآن
الكلمة الطيبة: تأشيرة عبور على قناة ltc

"الكلمة الطيبة كشجرة طيبة أصلها ثابت وفرعها فى السماء، والكلمة الخبيثة أجتثت من فوق الارض ما لها من قرار"، "الكلمة الطيبة" عن الكلمة اللى لها أثر طيب فى نفوس الناس،وهى اللى بـ تفتح أبواب الخير وتقفل أبواب الشر.

من هنا جاءت فكرة برنامج "الكلمة الطيبة"، وتعالوا بنا نعيش رحلة كلها أمل وسعادة وتفاؤل وزى ما "كارولين" بـ توعدنا أن هو ده شعار البرنامج وهـ نقلد كل النماذج الإيجابية فى حياتنا ونحاول نمشى على خط"السعادة، والنجاح،وتطوير الذات".

كارولين واضح جدًا من طريقة عرضها للبرنامج وأفكارها اللى متبنياها أنها دارسة وقارءة جدًا فى التنمية البشرية هو علم بـ يعتمد على قوة إرادة النفس"طبعًا مش ده تعريفه بالضبط".. علشان إحنا مش عاوزين ندور على الإنترنت ونجيب تعريفات كثيرة ويبقى المقال عن التنمية البشرية.. لكن خلونا نقول أنه فن فى المقام الأول نشره فى الوطن العربى كله الفنان الدكتور –رحمه الله– إبراهيم الفقى.. اللى كان عاوز كل الناس تقرأ وتشتغل وتنتج ويبقواإيجابيين ويفكروا صح ويخططوا لحياتهم ويطوروا من نفسهم.. وهو ده بقى علم التنمية الذاتية أو تنمية الإنسان علشان يبقى أحسن.

خطة سير البرنامج هى فى الأول عرض لموضوع الحلقة والبرنامج فيه حاجة جديدة حلوة أوى هى عرض للأخبار الإيجابية فى كل العالم مش فى مصر بس وكل خبر معاه صورة، وعلشان ما يكونش كلام وخلاص كارولين مقدمة البرنامج بـ تستضيف متخصصين فى موضوع الحلقة علشان تقدم علم ونصيحة، وبعد كده تقرير عن رأى الشارع المصرى فى موضوع الحلقة واللى بـ يقوم به مراسلين معاها.

حلقات البرنامج كلها دعوة للأمل زى: "السعادة، اصنع القوة، الإرادة، عظماء على مدار التاريخ،قصة كفاح وإرادة".

ديكور البرنامج عادى جدًا زيه زى معظم البرامج اللى موجودة دلوقت فى التليفزيون لكن نخص بالذكر قناة "ltc" اللى ديكور برامجها مش بسيط لكن تحس أنه فقير.. مش قادرين يجيبوا ديكور ملفت مش فاهمين لسه إيه الموضوع لكن فيه برامج كثير ديكورها مش غالى وبـ يعطيك إحساس بالقيمة والأناقة،لكن الموسيقى المصاحبة للبرنامج كلها نشاط وبصراحة أكثر حاجة محلية البرنامج هى ابتسامة كارولين.

الفكرة أنك تكون سعيد وعندك إرادة وقوة وقدرة على العمل دائمًا، رسالة البرنامج واضحة لكل الناس، اشتغل هـ تلاقى واوعى تخلى الهموم حولك توقفك دائمًا، بص للمستقبل بعين قوية وقدرة على الإنتاج.. يلا كلنا نشتغل ونعمل وننتج وتبقى بلدنا أحسن بلد فى الدنيا. 

عجبك ؟ جرب

برنامج "الدين والحياة".

نصيحة 360

"الكلمة الطيبة" برنامج حوارى.. من تقديم كارولين بهاء، وإخراج محمد شاكر على قناةltc ، من الأحد إلى الخميس الساعة 4 عصرًا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح